ਫਿਰੋਜ਼ਪੁਰ : ਰਾਧਾ ਸੁਆਮੀ ਸੰਗਤ ਲਈ ਰੇਲਵੇ ਵਿਭਾਗ ਨੇ ਅਹਿਮ ਫ਼ੈਸਲਾ ਲਿਆ ਹੈ । ਰੇਲ ਵਿਭਾਗ 1 ਮਈ ਤੋਂ ਡੇਰਾ ਰਾਧਾ ਸੁਅਮੀ ਬਿਆਸ ’ਚ ਹੋਣ ਜਾ ਰਹੇ ਸਤਿਸੰਗਾਂ ਲਈ ਵਿਸ਼ੇਸ਼ ਰੇਲਗੱਡੀਆਂ ਚਲਾਉਣ ਜਾ ਰਿਹਾ ਹੈ। ਵਿਭਾਗ ਵੱਲੋਂ ਮਈ ਮਹੀਨੇ ਵਿਚ 4 ਸਪੈਸ਼ਲ ਰੇਲਗੱਡੀਆਂ ਚਲਾਈਆਂ ਜਾਣਗੀਆਂ। ਇਹ ਰੇਲਗੱਡੀਆਂ ਸਹਾਰਨਪੁਰ ਅਤੇ ਹਜ਼ਰਤ ਨਿਜ਼ਾਮੂਦੀਨ ਸਟੇਸ਼ਨਾਂ ਤੋਂ ਚੱਲਣਗੀਆਂ।
ਵਿਭਾਗ ਵੱਲੋਂ ਜਾਰੀ ਕੀਤੀ ਸੂਚਨਾ ਅਨੁਸਾਰ ਗੱਡੀ ਨੰਬਰ 04451 ਨੂੰ ਹਜ਼ਰਤ ਨਿਜ਼ਾਮੂਦੀਨ ਸਟੇਸ਼ਨ ਤੋਂ 1 ਮਈ ਅਤੇ 15 ਮਈ ਨੂੰ ਸ਼ਾਮ 7:40 ਵਜੇ ਰਵਾਨਾ ਕੀਤਾ ਜਾਵੇਗਾ। ਜੋ ਨਵੀਂ ਦਿੱਲੀ, ਸਬਜ਼ੀ ਮੰਡੀ, ਅੰਬਾਲਾ ਕੈਂਟ, ਲੁਧਿਆਣਾ ਅਤੇ ਜਲੰਧਰ ਸਿਟੀ ਸਟੇਸ਼ਨਾਂ ਤੋਂ ਹੁੰਦੇ ਹੋਏ ਬਿਆਸ ਪਹੁੰਚੇਗੀ ।
ਬਿਆਸ ਤੋਂ ਵਾਪਸੀ ਲਈ ਗੱਡੀ ਨੰਬਰ 04452 ਨੂੰ 4 ਅਤੇ 18 ਮਈ ਨੂੰ ਰਾਤ 8:35 ਵਜੇ ਚਲਾਇਆ ਜਾਵੇਗਾ, ਜੋ ਉਕਤ ਸਟੇਸ਼ਨਾਂ ਤੋਂ ਹੁੰਦੇ ਹੋਏ ਅਗਲੇ ਦਿਨ ਸਵੇਰੇ 4 ਵਜੇ ਹਜ਼ਰਤ ਨਿਜ਼ਾਮੂਦੀਨ ਸਟੇਸ਼ਨ ’ਤੇ ਪਹੁੰਚਿਆ ਕਰੇਗੀ। ਇਸੇ ਤਰ੍ਹਾਂ ਗੱਡੀ ਨੰਬਰ 04565 ਨੂੰ ਸਹਾਰਨਪੁਰ ਸਟੇਸ਼ਨ ਤੋਂ 2, 9 ਅਤੇ 16 ਮਈ ਨੂੰ ਰਾਤ 8:50 ਵਜੇ ਰਵਾਨਾ ਕੀਤਾ ਜਾਵੇਗਾ। ਜੋ ਅਗਲੇ ਦਿਨ ਸਵੇਰੇ 2:15 ਵਜੇ ਬਿਆਸ ਪਹੁੰਚਣਗੀਆਂ।
ਉਥੋਂ ਵਾਪਸੀ ਲਈ ਗੱਡੀ ਨੰਬਰ 04566 ਨੂੰ 4, 11 ਅਤੇ 18 ਮਈ ਨੂੰ ਬਾਅਦ ਦੁਪਹਿਰ 3 ਵਜੇ ਰਵਾਨਾ ਕੀਤਾ ਜਾਵੇਗਾ। ਜੋ ਰਾਤ 8:20 ਵਜੇ ਸਹਾਰਨਪੁਰ ਪਹੁੰਚਿਆ ਕਰੇਗੀ। ਇਨ੍ਹਾਂ ਰੇਲਗੱਡੀਆਂ ਦਾ ਦੋਵੇਂ ਪਾਸਿਓਂ ਠਹਿਰਾਅ ਯਮੁਨਾਨਗਰ ਜਗਾਧਰੀ, ਜਗਾਧਰੀ ਵਰਕਸ਼ਾਪ, ਅੰਬਾਲਾ ਕੈਂਟ, ਲੁਧਿਆਣਾ ਅਤੇ ਜਲੰਧਰ ਸਿਟੀ ਸਟੇਸ਼ਨਾਂ ’ਤੇ ਹੋਵੇਗਾ।
The post ਰਾਧਾ ਸੁਆਮੀ ਸੰਗਤ ਲਈ ਰੇਲ ਵਿਭਾਗ ਨੇ ਲਿਆ ਅਹਿਮ ਫ਼ੈਸਲਾ , ਮਈ ਮਹੀਨੇ ‘ਚ ਚਲਾਈਆਂ ਜਾਣਗੀਆਂ 4 ਸਪੈਸ਼ਲ ਰੇਲਗੱਡੀਆਂ appeared first on Time Tv.
Leave a Reply