ਲੇਬਨਾਨ ‘ਚ ਇਕ ਬੰਦੂਕਧਾਰੀ ਨੇ ਬੇਰੂਤ ਨੇੜੇ ਅਮਰੀਕੀ ਦੂਤਾਵਾਸ ‘ਤੇ ਹਮਲਾ ਕਰਨ ਦੀ ਕੀਤੀ ਕੋਸ਼ਿਸ਼

ਲੇਬਨਾਨ : ਲੇਬਨਾਨ (Lebanon) ‘ਚ ਇਕ ਬੰਦੂਕਧਾਰੀ ਨੇ ਬੇਰੂਤ ਨੇੜੇ ਅਮਰੀਕੀ ਦੂਤਾਵਾਸ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ। ਲੇਬਨਾਨੀ ਫੌਜ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਲੇਬਨਾਨੀ ਫੌਜ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸੈਨਿਕਾਂ ਨੇ ਹਮਲਾਵਰਾਂ ਵਿੱਚੋਂ ਇੱਕ ‘ਤੇ ਗੋਲੀਬਾਰੀ ਕਰਕੇ ਜਵਾਬ ਦਿੱਤਾ। ਫੌਜ ਨੇ ਹਮਲਾਵਰ ਦੀ ਪਛਾਣ ਸਿਰਫ ਇਹ ਦੱਸੀ ਹੈ ਕਿ ਉਹ ਸੀਰੀਆ ਦਾ ਨਾਗਰਿਕ ਹੈ।

ਫੌਜ ਦੀਆਂ ਗੋਲੀਆਂ ਨਾਲ ਜ਼ਖਮੀ ਹੋਏ ਹਮਲਾਵਰ ਨੂੰ ਹਸਪਤਾਲ ਲਿਜਾਇਆ ਗਿਆ। ਸਥਾਨਕ ਮੀਡੀਆ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਬੇਰੂਤ ਦੇ ਉੱਤਰ ਵਿੱਚ ਇੱਕ ਉਪਨਗਰ ਵਿੱਚ ਅਮਰੀਕੀ ਡਿਪਲੋਮੈਟਿਕ ਮਿਸ਼ਨ ਦੇ ਨੇੜੇ ਲਗਭਗ ਅੱਧੇ ਘੰਟੇ ਤੱਕ ਗੋਲੀਬਾਰੀ ਜਾਰੀ ਰਹੀ। ਅਮਰੀਕੀ ਦੂਤਘਰ ਨੇ ਕਿਹਾ ਕਿ ਦੂਤਾਵਾਸ ਦੇ ਪ੍ਰਵੇਸ਼ ਦੁਆਰ ‘ਤੇ ਸਵੇਰੇ ਹੋਏ ਹਮਲੇ ‘ਚ ਉਸ ਦੇ ਕਰਮਚਾਰੀਆਂ ਦੇ ਕਿਸੇ ਤਰ੍ਹਾਂ ਦੇ ਜਾਨੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ ਅਤੇ ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਲੇਬਨਾਨੀ ਸੈਨਿਕ ਅਤੇ ਦੂਤਾਵਾਸ ਦੇ ਸੁਰੱਖਿਆ ਕਰਮਚਾਰੀ ਤੁਰੰਤ ਸਰਗਰਮ ਹੋ ਗਏ।

The post ਲੇਬਨਾਨ ‘ਚ ਇਕ ਬੰਦੂਕਧਾਰੀ ਨੇ ਬੇਰੂਤ ਨੇੜੇ ਅਮਰੀਕੀ ਦੂਤਾਵਾਸ ‘ਤੇ ਹਮਲਾ ਕਰਨ ਦੀ ਕੀਤੀ ਕੋਸ਼ਿਸ਼ appeared first on Timetv.