​​ਰੂਸੀ ਫੌਜ ਵੱਲੋਂ ਯੂਕਰੇਨ ‘ਤੇ ਕੀਤੇ ਗਏ ਡਰੋਨ ਤੇ ਮਿਜ਼ਾਈਲ ਹਮਲਿਆਂ ਕਾਰਨ 6 ਲੋਕਾਂ ਦੀ ਮੌਤ, 11 ਜ਼ਖਮੀ

ਕੀਵ : ​​ਰੂਸੀ (Russian) ਫੌਜ ਵੱਲੋਂ ਬੀਤੀ ਰਾਤ ਨੂੰ ਯੂਕਰੇਨ (Ukraine) ‘ਤੇ ਕੀਤੇ ਗਏ ਡਰੋਨ ਅਤੇ ਮਿਜ਼ਾਈਲ ਹਮਲਿਆਂ ਕਾਰਨ ਖਾਰਕਿਵ (Kharkiv) ‘ਚ ਘੱਟੋ-ਘੱਟ 6 ਲੋਕਾਂ ਦੀ ਮੌਤ ਹੋ ਗਈ ਅਤੇ 11 ਜ਼ਖਮੀ ਹੋ ਗਏ। ਸਥਾਨਕ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਖਾਰਕੀਵ ਖੇਤਰ ਦੇ ਗਵਰਨਰ ਓਲੇਹ ਸਿਨਿਹੁਬੋਵ ਨੇ ਦੱਸਿਆ ਕਿ ਸ਼ਹਿਰ ‘ਤੇ ਮਿਜ਼ਾਈਲ ਹਮਲਿਆਂ ਕਾਰਨ ਰਿਹਾਇਸ਼ੀ ਇਮਾਰਤਾਂ, ਇੱਕ ਗੈਸ ਸਟੇਸ਼ਨ, ਇੱਕ ਕਿੰਡਰਗਾਰਟਨ, ਇੱਕ ਕੈਫੇ, ਇੱਕ ਦੁਕਾਨ ਅਤੇ ਕਈ ਕਾਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ।

ਹਵਾਈ ਸੈਨਾ ਦੇ ਕਮਾਂਡਰ ਮੁਤਾਬਕ ਰੂਸ ਨੇ ਰਾਤੋ ਰਾਤ ਯੂਕਰੇਨ ‘ਤੇ ਕੁੱਲ 32 ਈਰਾਨ ਦੇ ਬਣੇ ਸ਼ਹੀਦ ਡਰੋਨ ਅਤੇ ਛੇ ਮਿਜ਼ਾਈਲਾਂ ਦਾਗੀਆਂ। ਲੈਫਟੀਨੈਂਟ ਜਨਰਲ ਮਾਈਕੋਲਾ ਓਲੇਸ਼ਚੁਕ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਯੂਕਰੇਨ ਦੇ ਹਵਾਈ ਰੱਖਿਆ ਬਲਾਂ ਨੇ ਤਿੰਨ ਕਰੂਜ਼ ਮਿਜ਼ਾਈਲਾਂ ਅਤੇ 28 ਡਰੋਨਾਂ ਨੂੰ ਡੇਗ ਦਿੱਤਾ।

“ਰੂਸੀ ਕਾਤਲ ਯੂਕਰੇਨੀਆਂ ਨੂੰ ਡਰਾਉਣਾ ਜਾਰੀ ਰੱਖਦੇ ਹਨ ਅਤੇ ਖਾਰਕੀਵ ਅਤੇ ਹੋਰ ਸ਼ਾਂਤੀਪੂਰਨ ਸ਼ਹਿਰਾਂ ਉੱਤੇ ਹਮਲਾ ਕਰਦੇ ਹਨ,”  ਰੂਸੀ ਫੌਜ ਨੇ ਹਮਲਿਆਂ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ, ਪਰ ਕਿਹਾ ਕਿ ਯੂਕਰੇਨ ਨੇ ਅੱਜ ਸਵੇਰੇ ਰੂਸ ‘ਤੇ ‘ਵੈਮਪਾਇਰ’ ਰਾਕੇਟ ਦਾਗੇ। ਰੂਸੀ ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਉਸ ‘ਤੇ ਦਾਗੇ ਗਏ ਸਾਰੇ 10 ਰਾਕਟਾਂ ਨੂੰ ਬੇਲਗੋਰੋਡ ਦੇ ਰੂਸੀ ਸਰਹੱਦੀ ਖੇਤਰ ‘ਚ ਹਵਾਈ ਰੱਖਿਆ ਪ੍ਰਣਾਲੀਆਂ ਨੇ ਮਾਰ ਦਿੱਤਾ।

The post ​​ਰੂਸੀ ਫੌਜ ਵੱਲੋਂ ਯੂਕਰੇਨ ‘ਤੇ ਕੀਤੇ ਗਏ ਡਰੋਨ ਤੇ ਮਿਜ਼ਾਈਲ ਹਮਲਿਆਂ ਕਾਰਨ 6 ਲੋਕਾਂ ਦੀ ਮੌਤ, 11 ਜ਼ਖਮੀ appeared first on Time Tv.