ਇੰਡੋਨੇਸ਼ੀਆ: ਮੈਚ ਖੇਡ ਰਹੇ ਇੱਕ ਖਿਡਾਰੀ ‘ਤੇ ਅਚਾਨਕ ਬਿਜਲੀ ਡਿੱਗਣ ਨਾਲ ਮੌਤ ਹੋ ਗਈ। ਇਹ ਘਟਨਾ ਇੰਡੋਨੇਸ਼ੀਆ (Indonesia) ਵਿੱਚ ਇੱਕ ਮੈਚ ਦੌਰਾਨ ਵਾਪਰੀ ਜਦੋਂ ਖਿਡਾਰੀ ਖੇਡਦੇ ਸਮੇਂ ਬਿਜਲੀ ਦੀ ਲਪੇਟ ਵਿੱਚ ਆ ਗਿਆ ਅਤੇ ਹਸਪਤਾਲ ਲਿਜਾਂਦੇ ਸਮੇਂ ਉਸ ਦੀ ਮੌਤ ਹੋ ਗਈ।
ਤੁਹਾਨੂੰ ਦੱਸ ਦੇਈਏ ਕਿ ਇੰਡੋਨੇਸ਼ੀਆ ਵਿੱਚ ਐਫ.ਸੀ ਬੈਂਡੁੰਗ ਅਤੇ ਐਫ.ਬੀ.ਆਈ ਸ਼ੁਬਾਂਗ ਦੇ ਵਿੱਚ ਇੱਕ ਦੋਸਤਾਨਾ ਮੈਚ ਖੇਡਿਆ ਗਿਆ ਸੀ। ਇਹ ਮੈਚ ਸ਼ਨੀਵਾਰ ਨੂੰ ਇੰਡੋਨੇਸ਼ੀਆ ਦੇ ਪੱਛਮੀ ਜਾਵਾ ਦੇ ਸਿਲੀਵਾਂਗੀ ਸਟੇਡੀਅਮ (Silivangi Stadium) ‘ਚ ਖੇਡਿਆ ਗਿਆ। ਇਸ ਦੌਰਾਨ ਮੈਦਾਨ ‘ਤੇ ਅਚਾਨਕ ਬਿਜਲੀ ਡਿੱਗੀ ਅਤੇ ਇਕ ਖਿਡਾਰੀ ਇਸ ਦਾ ਸ਼ਿਕਾਰ ਹੋ ਗਿਆ।
ਇਸ ਘਟਨਾ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਮੈਚ ਦੌਰਾਨ ਖਿਡਾਰੀ ਆਪਣੀ ਖੇਡ ‘ਚ ਮਗਨ ਸੀ ਕਿ ਅਚਾਨਕ ਉਸ ਦੇ ਸਿਰ ‘ਤੇ ਬਿਜਲੀ ਦੀ ਧਾਰਾ ਡਿੱਗ ਗਈ। ਇਹ ਮੈਚ ਖਰਾਬ ਮੌਸਮ ਦੇ ਵਿਚਕਾਰ ਖੇਡਿਆ ਜਾ ਰਿਹਾ ਸੀ। ਵੀਡੀਓ ਵਿੱਚ ਬਿਜਲੀ ਡਿੱਗਣ ਦੌਰਾਨ ਇੱਕ ਵੱਡੀ ਅੱਗ ਵੀ ਨਿਕਲਦੀ ਦਿਖਾਈ ਦੇ ਰਹੀ ਹੈ। ਜਿਸ ਤੋਂ ਬਾਅਦ ਖਿਡਾਰੀ ਤੁਰੰਤ ਮੈਦਾਨ ‘ਤੇ ਡਿੱਗ ਗਿਆ।