ਪੰਜਾਬ : ਪੰਜਾਬ ਦੇ ਅੰਮ੍ਰਿਤਸਰ ਜ਼ਿਲ੍ਹੇ ‘ਚ ਜਨਮੀ ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ (The Famous Comedian Bharti Singh) ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਲਿੰਬਾਚੀਆ (Harsh Limbachia) ਵੱਡੀ ਮੁਸੀਬਤ ‘ਚ ਫਸ ਗਏ ਹਨ। ਦਰਅਸਲ, ਦਿੱਲੀ ਪੁਲਿਸ ਨੇ ਹਰਸ਼ ਨੂੰ ਸੰਮਨ ਭੇਜਿਆ ਹੈ। ਹਰਸ਼ ‘ਤੇ ਦੋਸ਼ ਹਨ ਕਿ ਉਨ੍ਹਾਂ ਨੇ ਐਪ ਰਾਹੀਂ 500 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਹੈ। ਇਸ ਮਾਮਲੇ ਵਿੱਚ ਉਨ੍ਹਾਂ ਨੂੰ ਸੰਮਨ ਜਾਰੀ ਕੀਤਾ ਗਿਆ ਹੈ। ਉਨ੍ਹਾਂ ਦੇ ਨਾਲ ਹੀ ਸੋਸ਼ਲ ਮੀਡੀਆ ਪ੍ਰਭਾਵਕ ਅਭਿਸ਼ੇਕ ਮਲਹਾਨ ਉਰਫ ਫੁਕਰਾ ਇੰਸਾਨ, ਐਲਵਿਸ਼ ਯਾਦਵ, ਲਕਸ਼ੈ ਚੌਧਰੀ, ਪੂਰਵ ਝਾਅ ਨੂੰ ਨੋਟਿਸ ਭੇਜਿਆ ਗਿਆ ਹੈ।
ਕੀ ਹੈ ਮਾਮਲਾ ?
ਦਿੱਲੀ ਪੁਲਿਸ ਨੇ ਕਿਹਾ ਕਿ ਹੁਣ ਤੱਕ ਉਨ੍ਹਾਂ ਨੂੰ ਹਾਈਬੌਕਸ ਐਪ ਖ਼ਿਲਾਫ਼ 151 ਸ਼ਿਕਾਇਤਾਂ ਮਿਲੀਆਂ ਹਨ। ਜਾਂਚ ਵਿੱਚ ਪਾਇਆ ਗਿਆ ਕਿ ਸੋਸ਼ਲ ਮੀਡੀਆ ਪ੍ਰਭਾਵਕਾਂ ਦੁਆਰਾ HIBOX ਨਾਮਕ ਇੱਕ ਮੋਬਾਈਲ ਐਪ ਨੂੰ ਪ੍ਰਮੋਟ ਕੀਤਾ ਗਿਆ ਸੀ ਅਤੇ ਲੋਕਾਂ ਨੂੰ ਵੱਧ ਮੁਨਾਫਾ ਪ੍ਰਾਪਤ ਕਰਨ ਲਈ ਨਿਵੇਸ਼ ਕਰਨ ਦੀ ਸਲਾਹ ਵੀ ਦਿੱਤੀ ਗਈ ਸੀ। ਹਾਲਾਂਕਿ, ਇਸ ਐਪ ਵਿੱਚ ਨਿਵੇਸ਼ ਕਰਨ ਵਾਲੇ ਲੋਕਾਂ ਦੇ ਸਾਰੇ ਪੈਸੇ ਡੁੱਬ ਗਏ ਸਨ।
ਪੁਲਿਸ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਦੋਸ਼ੀ ਨੇ ਨਿਵੇਸ਼ਕਾਂ ਨੂੰ ਫਸਾਉਣ ਲਈ ਸੋਸ਼ਲ ਮੀਡੀਆ ਪ੍ਰਭਾਵਕ ਅਤੇ ਯੂਟਿਊਬਰਾਂ ਦੁਆਰਾ ਆਪਣੀ ਐਪ ਦਾ ਪ੍ਰਚਾਰ ਕੀਤਾ ਸੀ। ਇਸ ਐਪ ਨੂੰ ਹੁਣ ਤੱਕ ਪ੍ਰਮੋਟ ਕਰਨ ਵਾਲਿਆਂ ਵਿੱਚ ਸੌਰਭ ਜੋਸ਼ੀ, ਅਭਿਸ਼ੇਕ ਮਲਹਾਨ ਉਰਫ ਫੁਕਰਾ ਇੰਸਾਨ, ਪੂਰਵ ਝਾਅ, ਐਲਵਿਸ਼ ਯਾਦਵ, ਭਾਰਤੀ ਸਿੰਘ ਕਾਮੇਡੀਅਨ ਹਰਸ਼ ਲਿੰਬਾਚੀਆ (ਭਾਰਤੀ ਸਿੰਘ ਦਾ ਪਤੀ), ਲਕਸ਼ਿਆ ਚੌਧਰੀ, ਆਦਰਸ਼ ਸਿੰਘ, ਅਮਿਤ ਕ੍ਰੇਜ਼ੀ ਅਤੇ ਦਿਲਰਾਜ ਸਿੰਘ ਰਾਵਤ ਭਾਰਤੀ ਹੈਕਰ ਆਦਿ ਸ਼ਾਮਲ ਹਨ।