ਹਰਿਆਣਾ : ਹਰਿਆਣਾ (Haryana) ਦੀਆਂ 10 ਲੋਕ ਸਭਾ ਸੀਟਾਂ (Lok Sabha seats) ਅਤੇ ਕਰਨਾਲ ਦੀ ਇਕ ਸੀਟ ‘ਤੇ ਜ਼ਿਮਨੀ ਚੋਣ ਲਈ ਵੋਟਿੰਗ ਸ਼ੁਰੂ ਹੋ ਗਈ ਹੈ। ਵੋਟਿੰਗ ਸਵੇਰੇ 7 ਵਜੇ ਤੋਂ ਸ਼ੁਰੂ ਹੋ ਕੇ ਸ਼ਾਮ 6 ਵਜੇ ਤੱਕ ਚੱਲੇਗੀ। ਸ਼ਾਮ 6 ਵਜੇ ਤੱਕ ਕਤਾਰ ਵਿੱਚ ਲੱਗੇ ਸਾਰੇ ਵੋਟਰਾਂ ਨੂੰ ਵੋਟ ਪਾਉਣ ਦਾ ਮੌਕਾ ਮਿਲੇਗਾ। ਹਰਿਆਣਾ ਵਿੱਚ 9 ਵਜੇ ਤੱਕ 8.31 ਫੀਸਦੀ ਵੋਟਿੰਗ ਹੋਈ।
ਤੁਹਾਨੂੰ ਦੱਸ ਦੇਈਏ ਕਿ 2 ਕਰੋੜ 76 ਹਜ਼ਾਰ 768 ਵੋਟਰ 223 ਉਮੀਦਵਾਰਾਂ ਵਿੱਚੋਂ ਆਪਣਾ ਪ੍ਰਤੀਨਿਧੀ ਚੁਣਨਗੇ। ਸੂਬੇ ਦੇ 20,031 ਪੋਲਿੰਗ ਕੇਂਦਰਾਂ ‘ਤੇ ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਵੋਟਿੰਗ ਹੋਵੇਗੀ। ਬਜ਼ੁਰਗ ਔਰਤ ਨੇ ਕਿਹਾ- ਪਾਰਟੀ ਬੂਥ ਏਜੰਟ ਨੇ ਉਸ ਨੂੰ ਕਮਲ ਦਾ ਬਟਨ ਦਬਾਉਣ ਲਈ ਮਜਬੂਰ ਕੀਤਾ।
ਕੁਰੂਕਸ਼ੇਤਰ ਦੇ ਪਿੰਡ ਮਿਰਜ਼ਾਪੁਰ ਦੇ ਬੂਥ ਨੰਬਰ 157 ‘ਤੇ ਵੋਟ ਪਾਉਣ ਪਹੁੰਚੀ 87 ਸਾਲਾ ਨਰਾਇਣੀ ਦੇਵੀ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਵੋਟ ਝਾੜੂ ਨੂੰ ਪਾਉਣੀ ਸੀ, ਇਸ ਦੌਰਾਨ ਪੋਲਿੰਗ ਬੂਥ ‘ਤੇ ਬੈਠੇ ਪਾਰਟੀ ਦੇ ਬੂਥ ਏਜੰਟ ਨੇ ਕਮਲ ਬਟਨ ਨੂੰ ਜ਼ੋਰ ਨਾਲ ਦਬਾ ਦਿੱਤਾ। ਇਸ ‘ਤੇ ‘ਆਪ’ ਹਰਿਆਣਾ ਨੇ ਆਪਣੇ ਐਕਸ ਹੈਂਡਲ ‘ਤੇ ਪੋਸਟ ਕੀਤਾ ਕਿ ਚੋਣਾਂ ‘ਚ ਧੋਖਾਧੜੀ ਭਾਜਪਾ ਦੀ ਆਦਤ ਬਣ ਗਈ ਹੈ।