ਪੰਜਾਬ : ਪੰਜਾਬੀ ਮਾਡਲ-ਐਕਟਰ ਅਦਨਾਨ ਅਲੀ ਖਾਨ ‘ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਜਾਨਲੇਵਾ ਹਮਲਾ ਕੀਤਾ ਗਿਆ। ਇਸ ਹਮਲੇ ‘ਚ ਅਦਨਾਨ ਅਲੀ ਖਾਨ ਦੇ ਕੰਨ ਅਤੇ ਸਿਰ ‘ਤੇ ਵੀ ਹਮਲਾ ਕੀਤਾ ਗਿਆ ਸੀ।
ਇਸ ਗੱਲ ਦਾ ਖੁਲਾਸਾ ਉਨ੍ਹਾਂ ਨੇ ਖੁਦ ਸੋਸ਼ਲ ਮੀਡੀਆ ‘ਤੇ ਲਾਈਵ ਹੋ ਕੇ ਕੀਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਕੁਝ ਵਿਅਕਤੀਆਂ ਨੇ ਅਚਾਨਕ ਮੇਰੇ ‘ਤੇ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਦਿੱਤਾ, ਜਿਸ ਕਾਰਨ ਮੇਰਾ ਇਕ ਕੰਨ ਕੱਟ ਗਿਆ ਅਤੇ ਮੇਰੇ ਸਿਰ ‘ਤੇ ਗੰਭੀਰ ਸੱਟਾਂ ਲੱਗੀਆਂ।
ਤੁਹਾਨੂੰ ਦੱਸ ਦੇਈਏ ਕਿ ਅਭਿਨੇਤਾ-ਮਾਡਲ ਅਦਨਾਨ ਅਲੀ ਖਾਨ ਨੇ ਵੀਡੀਓ ਵਿੱਚ ਆਪਣੇ ਹਮਲਾਵਰਾਂ ਦੇ ਨਾਮ ਵੀ ਦੱਸੇ ਹਨ। ਉਨ੍ਹਾਂ ਪੁਲਿਸ ਮੁਲਾਜ਼ਮਾਂ ਨੂੰ ਕਿਹਾ ਕਿ ਇਸ ਮਾਮਲੇ ਵਿੱਚ ਜਲਦ ਤੋਂ ਜਲਦ ਬਣਦੀ ਕਾਰਵਾਈ ਕੀਤੀ ਜਾਵੇ। ਇਸ ਵਾਰ ਮੈਂ ਬਚ ਗਿਆ ਪਰ ਜੇਕਰ ਦੁਬਾਰਾ ਹਮਲਾ ਹੋਇਆ ਤਾਂ ਮੈਂ ਬਚ ਨਹੀਂ ਸਕਾਂਗਾ। ਇੱਕ ਵਾਰ ਲੋਕਾਂ ਦੀ ਭੀੜ ਨੇ ਮੈਨੂੰ ਬਚਾਇਆ। ਇਸ ਦੇ ਮੁਤਾਬਕ ਅਦਨਾਨ ਅਲੀ ਖਾਨ ਨੇ ਪੰਜਾਬ ਸਰਕਾਰ ਤੋਂ ਸੁਰੱਖਿਆ ਦੇਣ ਦੀ ਮੰਗ ਕੀਤੀ ਹੈ।