ਨੇਪਾਲ : ਨੇਪਾਲ (Nepal) ਦੇ ਚਿਤਵਾਨ ਜ਼ਿਲ੍ਹੇ (Chitwan district) ‘ਚ ਅੱਜ ਸਵੇਰੇ ਟੈਕਸੀ ਦੇ ਖਾਈ ‘ਚ ਡਿੱਗਣ ਕਾਰਨ ਦੋ ਔਰਤਾਂ ਅਤੇ ਇਕ ਨਾਬਾਲਗ ਸਮੇਤ ਘੱਟੋ-ਘੱਟ 5 ਲੋਕਾਂ ਦੀ ਮੌਤ ਹੋ ਗਈ। ਪੁਲਿਸ ਨੇ ਇਹ ਜਾਣਕਾਰੀ ਦਿੱਤੀ।
ਪੁਲਿਸ ਮੁਤਾਬਕ ਹਾਦਸਾ ਸਵੇਰੇ 7 ਵਜੇ ਦੇ ਕਰੀਬ ਵਾਪਰਿਆ। ਪੁਲਿਸ ਨੇ ਦੱਸਿਆ ਕਿ ਟੈਕਸੀ, ਜੋ ਕਾਠਮੰਡੂ ਤੋਂ ਗੋਰਖਾ ਜ਼ਿਲ੍ਹੇ ਵੱਲ ਜਾ ਰਹੀ ਸੀ, ਪ੍ਰਿਥਵੀ ਹਾਈਵੇਅ ਨੇੜੇ ਇੱਛਕਮਨਾ ਗ੍ਰਾਮੀਣ ਨਗਰਪਾਲਿਕਾ ‘ਚ ਤ੍ਰਿਸ਼ੂਲੀ ਨਦੀ ‘ਚ 100 ਮੀਟਰ ਡੂੰਘੀ ਖੱਡ ‘ਚ ਡਿੱਗ ਗਈ। ਟੈਕਸੀ ਵਿੱਚ ਛੇ ਦੇ ਕਰੀਬ ਸਵਾਰੀਆਂ ਸਨ। ਯਾਤਰੀਆਂ ਵਿੱਚ ਇੱਕ 18 ਸਾਲਾ ਲੜਕੀ ਵੀ ਲਾਪਤਾ ਦੱਸੀ ਜਾ ਰਹੀ ਹੈ। ਮਰਨ ਵਾਲਿਆਂ ਵਿੱਚ ਇੱਕ 71 ਸਾਲਾ ਔਰਤ, ਦੋ ਔਰਤਾਂ ਅਤੇ ਇੱਕ ਨੌਂ ਸਾਲਾ ਬੱਚਾ ਸ਼ਾਮਲ ਹੈ।