ਹਿਸਾਰ: ਹਰਿਆਣਾ ਵਿੱਚ ਜਨਨਾਇਕ ਜਨਤਾ ਪਾਰਟੀ (Jannayak Janata Party) ਅਤੇ ਭਾਰਤੀ ਜਨਤਾ ਪਾਰਟੀ (Bharatiya Janata Party) ਦਾ ਗਠਜੋੜ ਟੁੱਟਣ ਤੋਂ ਬਾਅਦ ਜੇਜੇਪੀ ਅੱਜ ਹਿਸਾਰ ਵਿੱਚ ਨਵਸੰਕਲਪ ਰੈਲੀ (Navsankalp rally) ਕਰ ਰਹੀ ਹੈ। ਪਾਰਟੀ ਦੇ ਕੌਮੀ ਪ੍ਰਧਾਨ ਅਜੈ ਸਿੰਘ ਚੌਟਾਲਾ, ਸਾਬਕਾ ਡਿਪਟੀ ਸੀ.ਐਮ ਦੁਸ਼ਯੰਤ ਚੌਟਾਲਾ ਅਤੇ ਦਿਗਵਿਜੇ ਚੌਟਾਲਾ ਰੈਲੀ ਵਿੱਚ ਪਹੁੰਚ ਗਏ ਹਨ।
ਦੁਸ਼ਯੰਤ ਦੇ ਆਉਣ ‘ਤੇ ਵਰਕਰਾਂ ਨੇ ਆਏ-ਆਏ ਸੀ.ਐਮ ਆਏ ਦੇ ਨਾਅਰੇ ਲਗਾਏ।ਸਿਆਸੀ ਹਲਕਿਆਂ ‘ਚ ਇਸ ਰੈਲੀ ਨੂੰ ਲੈ ਕੇ ਕਾਫੀ ਚਰਚਾ ਹੈ, ਕਿਉਂਕਿ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਡਾ: ਅਜੈ ਸਿੰਘ ਚੌਟਾਲਾ ਦੇ ਜਨਮ ਦਿਨ ‘ਤੇ ਦੁਸ਼ਯੰਤ ਚੌਟਾਲਾ ਆਉਣ ਵਾਲੀ ਰਣਨੀਤੀ ਦਾ ਐਲਾਨ ਕਰ ਸਕਦੇ ਹਨ।
ਵਿਧਾਇਕ ਅਨੂਪ ਧਾਨਕ ਰੈਲੀ ਵਿੱਚ ਪੁੱਜੇ
ਉਕਲਾਨਾ ਦੇ ਵਿਧਾਇਕ ਅਨੂਪ ਧਾਨਕ ਰੈਲੀ ‘ਚ ਪਹੁੰਚੇ।ਕੱਲ੍ਹ ਦਿੱਲੀ ਵਿੱਚ ਹੋਈ ਵਿਧਾਇਕ ਦਲ ਦੀ ਮੀਟਿੰਗ ਵਿੱਚ ਵੀ ਉਹ ਹਾਜ਼ਰ ਸਨ।ਗੱਠਜੋੜ ਸਰਕਾਰ ਵਿੱਚ ਉਨ੍ਹਾਂ ਨੂੰ ਕਿਰਤ ਅਤੇ ਰੁਜ਼ਗਾਰ ਰਾਜ ਮੰਤਰੀ ਬਣਾਇਆ ਗਿਆ ਸੀ।