ਦੇਹਰਾਦੂਨ: ਉੱਤਰਾਖੰਡ ਦੀਆਂ 2 ਵਿਧਾਨ ਸਭਾ ਸੀਟਾਂ ‘ਤੇ ਹੋਈਆਂ ਜ਼ਿਮਨੀ ਚੋਣਾਂ (The By-Elections) ਲਈ ਵੋਟਾਂ ਦੀ ਗਿਣਤੀ ਸਵੇਰੇ 8 ਵਜੇ ਸ਼ੁਰੂ ਹੋ ਗਈ ਹੈ। ਦੁਪਹਿਰ 1 ਵਜੇ ਤੱਕ ਦੋਵਾਂ ਸੀਟਾਂ ‘ਤੇ ਚੋਣ ਨਤੀਜੇ ਆ ਸਕਦੇ ਹਨ। ਮੰਗਲੌਰ ਵਿਧਾਨ ਸਭਾ ਸੀਟ ਉਪ ਚੋਣ ਲਈ ਵੋਟਾਂ ਦੀ ਗਿਣਤੀ ਦਸ ਗੇੜਾਂ ਵਿੱਚ ਹੋਵੇਗੀ। ਪਹਿਲਾਂ ਪੋਸਟਲ ਬੈਲਟ ਗਿਣੇ ਜਾਣਗੇ।
ਬਦਰੀਨਾਥ ਵਿਧਾਨ ਸਭਾ ਸੀਟ ਦੀਆਂ ਵੋਟਾਂ ਦੀ ਗਿਣਤੀ ਲਈ ਪੀ.ਜੀ ਕਾਲਜ ਗੋਪੇਸ਼ਵਰ ਨੂੰ ਗਿਣਤੀ ਕੇਂਦਰ ਬਣਾਇਆ ਗਿਆ ਹੈ। ਗਿਣਤੀ ਵਾਲੀ ਥਾਂ ‘ਤੇ ਈ.ਵੀ.ਐਮ. ਲਈ 14 ਟੇਬਲ ਲਗਾਏ ਗਏ ਹਨ। ਪੋਸਟਲ ਬੈਲਟ ਲਈ 7 ਟੇਬਲ ਹਨ। ਮੰਗਲੌਰ ਵਿੱਚ ਈ.ਵੀ.ਐਮ. ਵੋਟਾਂ ਦੀ ਗਿਣਤੀ ਲਈ 14 ਟੇਬਲ ਲਗਾਏ ਗਏ ਹਨ। ਪੋਸਟਲ ਬੈਲਟ ਪੇਪਰਾਂ ਦੀ ਗਿਣਤੀ ਲਈ ਪੰਜ ਟੇਬਲ ਲਗਾਏ ਗਏ ਹਨ।
ਦੱਸ ਦੇਈਏ ਕਿ 10 ਜੁਲਾਈ ਨੂੰ ਬਦਰੀਨਾਥ ਵਿਧਾਨ ਸਭਾ ਸੀਟ ਅਤੇ ਮੈਂਗਲੋਰ ਵਿਧਾਨ ਸਭਾ ਸੀਟ ‘ਤੇ ਉਪ ਚੋਣ ਹੋਈ ਸੀ ਬਦਰੀਨਾਥ ਵਿਧਾਨ ਸਭਾ ਸੀਟ ‘ਤੇ 51.43 ਫੀਸਦੀ ਵੋਟਿੰਗ ਹੋਈ ਸੀ। ਮੰਗਲੌਰ ਸੀਟ ‘ਤੇ 68.24 ਫੀਸਦੀ ਵੋਟਾਂ ਪਈਆਂ ਸਨ। ਬਦਰੀਨਾਥ ਵਿਧਾਨ ਸਭਾ ਸੀਟ ‘ਤੇ 2022 ਦੀਆਂ ਵਿਧਾਨ ਸਭਾ ਚੋਣਾਂ ‘ਚ 65.65 ਫੀਸਦੀ ਵੋਟਿੰਗ ਹੋਈ ਸੀ। ਉਸ ਸਮੇਂ ਮੰਗਲੌਰ ਵਿਧਾਨ ਸਭਾ ਸੀਟ ‘ਤੇ 75.95 ਫੀਸਦੀ ਵੋਟਾਂ ਪਈਆਂ ਸਨ।