ਉਪ ਚੋਣ ਨਤੀਜਿਆਂ ‘ਤੇ ‘ਆਪ’ ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਨੇ ਦਿੱਤੀ ਆਪਣੀ ਪ੍ਰਤੀਕਿਰਿਆ

ਨਵੀਂ ਦਿੱਲੀ: 7 ਰਾਜਾਂ ਦੀਆਂ 13 ਸੀਟਾਂ ‘ਤੇ ਹੋਣ ਵਾਲੀਆਂ ਉਪ ਚੋਣਾਂ ‘ਚ NDA ਨੂੰ ਵੱਡਾ ਝਟਕਾ ਲੱਗ ਰਿਹਾ ਹੈ। 13 ਸੀਟਾਂ ਵਿੱਚੋਂ 2 ‘ਤੇ ਕਾਂਗਰਸ ਨੇ ਜਦ ਕਿ ਇੱਕ ‘ਤੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਨੇ ਜਿੱਤ ਹਾਸਲ ਕੀਤੀ ਹੈ। ਇਸ ਦੇ ਨਾਲ ਹੀ ਭਾਜਪਾ ਉਮੀਦਵਾਰ ਨੇ ਇੱਕ ਸੀਟ ਜਿੱਤੀ ਹੈ। ਜਦਕਿ ਬਾਕੀ 9 ਸੀਟਾਂ ‘ਚੋਂ ਭਾਰਤ ਗਠਜੋੜ 7 ਸੀਟਾਂ ‘ਤੇ ਅੱਗੇ ਚੱਲ ਰਿਹਾ ਹੈ। 2 ਸੀਟਾਂ ‘ਤੇ NDA  ਅੱਗੇ ਹੈ।

‘ਆਪ’ ਦੇ ਸੰਸਦ ਮੈਂਬਰ ਸੰਜੇ ਸਿੰਘ (AAP Member of Parliament Sanjay Singh) ਨੇ ਵੀ ਉਪ ਚੋਣ ਨਤੀਜਿਆਂ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਕਿਹਾ, ਅੱਜ ਜਲੰਧਰ ਉਪ ਚੋਣ ਦੇ ਨਤੀਜੇ ਆ ਗਏ ਹਨ। ਅਸੀਂ ਕਰੀਬ 38 ਹਜ਼ਾਰ ਵੋਟਾਂ ਨਾਲ ਜਿੱਤੇ। ਪੰਜਾਬ ਦੇ ਲੋਕ ਸਾਡੇ ਨਾਲ ਹਨ। ਉਨ੍ਹਾਂ ਕਿਹਾ, ਭਾਰਤ ਗਠਜੋੜ ਪੂਰੇ ਦੇਸ਼ ਵਿੱਚ ਜਿੱਤ ਰਿਹਾ ਹੈ। ਭਾਜਪਾ ਨੂੰ ਸਮਝ ਲੈਣਾ ਚਾਹੀਦਾ ਹੈ ਕਿ ਜਨਤਾ ਖਾਲੀ ਵਾਅਦਿਆਂ ਅਤੇ ਝੂਠ ਤੋਂ ਤੰਗ ਆ ਚੁੱਕੀ ਹੈ। ਅੱਜ ਦੇਸ਼ ਦੇ ਨੌਜਵਾਨ ਪ੍ਰੇਸ਼ਾਨ ਹਨ। ਅਗਨੀਵੀਰ ਵਰਗੀਆਂ ਸਕੀਮਾਂ ਨੂੰ ਰੋਕਣ ਦੀ ਲੋੜ ਹੈ।

ਜਾਣੋ ਸੱਤ ਰਾਜਾਂ ਦੀਆਂ 13 ਸੀਟਾਂ ਦੀ ਸਥਿਤੀ

ਪੱਛਮੀ ਬੰਗਾਲ

ਰਾਏਗੰਜ — ਟੀ.ਐੱਮ.ਸੀ. ਉਮੀਦਵਾਰ ਕ੍ਰਿਸ਼ਨਾ ਕਲਿਆਣੀ ਨੇ ਭਾਜਪਾ ਉਮੀਦਵਾਰ ਨੂੰ 49536 ਵੋਟਾਂ ਨਾਲ ਹਰਾਇਆ ਹੈ।

ਰਾਨਾਘਾਟ ਦੱਖਣ – ਟੀ.ਐਮ.ਸੀ. ਉਮੀਦਵਾਰ ਦੀ ਜਿੱਤ

ਬਗਦਾ – ਟੀ.ਐਮ.ਸੀ. ਉਮੀਦਵਾਰ ਜਿੱਤਿਆ

ਮਾਨਿਕਤਲਾ – 11 ਗੇੜਾਂ ਦੀ ਵੋਟਿੰਗ ਤੋਂ ਬਾਅਦ ਟੀ.ਐ.ਮਸੀ. ਉਮੀਦਵਾਰ 35442 ਵੋਟਾਂ ਨਾਲ ਅੱਗੇ ਹੈ।

ਹਿਮਾਚਲ ਪ੍ਰਦੇਸ਼

ਦੇਹਰਾ – ਦੇਹਰਾ ‘ਚ ਲਹਿਰਾਇਆ ਕਾਂਗਰਸ ਦਾ ਝੰਡਾ, 25 ਸਾਲ ਬਾਅਦ ਜਿੱਤੀ ਕਾਂਗਰਸ, ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਦੀ ਪਤਨੀ ਨੂੰ ਮਿਲੀ ਜਿੱਤ, ਦੋ ਵਾਰ ਚੋਣਾਂ ਜਿੱਤਣ ਵਾਲੇ ਹੁਸ਼ਿਆਰ ਸਿੰਘ ਨੂੰ ਹਰਾਇਆ।

ਹਮੀਰਪੁਰ — ਹਮੀਰਪੁਰ ‘ਚ ਭਾਜਪਾ ਉਮੀਦਵਾਰ ਆਸ਼ੀਸ਼ ਸ਼ਰਮਾ 1433 ਵੋਟਾਂ ਨਾਲ ਜੇਤੂ ਰਹੇ ਹਨ।

ਨਾਲਾਗੜ੍ਹ – ਕਾਂਗਰਸੀ ਉਮੀਦਵਾਰ ਬਾਵਾ ਹਰਦੀਪ ਸਿੰਘ ਜੇਤੂ ਰਹੇ

ਉਤਰਾਖੰਡ

ਬਦਰੀਨਾਥ – ਕਾਂਗਰਸ ਉਮੀਦਵਾਰ 8ਵੇਂ ਰਾਊਂਡ ਤੋਂ ਬਾਅਦ 3396 ਨਾਲ ਅੱਗੇ ਹੈ

ਹਰਿਦੁਆਰ ਦੀ ਮੰਗਲੌਰ ਵਿਧਾਨ ਸਭਾ ਤੋਂ ਕਾਂਗਰਸ ਉਮੀਦਵਾਰ 8ਵੇਂ ਗੇੜ ਤੋਂ ਬਾਅਦ 2065 ਵੋਟਾਂ ਨਾਲ ਅੱਗੇ ਹੈ।

ਬਿਹਾਰ

ਰੁਪੌਲੀ — 6 ਗੇੜਾਂ ਦੀ ਗਿਣਤੀ ਤੋਂ ਬਾਅਦ ਜੇ.ਡੀ.ਯੂ. ਦਾ ਕਲਾਧਰ ਪ੍ਰਸਾਦ ਮੰਡਲ 501 ਵੋਟਾਂ ਨਾਲ ਅੱਗੇ ਹੈ।

ਮੱਧ ਪ੍ਰਦੇਸ਼

ਅਮਰਵਾੜਾ – 15ਵੇਂ ਰਾਊਂਡ ਤੋਂ ਬਾਅਦ ਕਾਂਗਰਸ ਉਮੀਦਵਾਰ 4014 ਵੋਟਾਂ ਨਾਲ ਅੱਗੇ।

ਤਾਮਿਲਨਾਡੂ 

ਵਿਕ੍ਰਾਵੰਡੀ – ਡੀ.ਐਮ.ਕੇ. ਉਮੀਦਵਾਰ ਅਨੀਯੁਰ ਸ਼ਿਵਾ 5564 ਵੋਟਾਂ ਨਾਲ ਅੱਗੇ ਹਨ

ਪੰਜਾਬ 

ਜਲੰਧਰ ਪੱਛਮੀ- ਛੇ ਗੇੜਾਂ ‘ਚ ‘ਆਪ’ ਦੇ ਉਮੀਦਵਾਰ ਮਹਿੰਦਰ ਭਗਤ ਕਰੀਬ 13 ਹਜ਼ਾਰ ਵੋਟਾਂ ਨਾਲ ਅੱਗੇ ਹਨ।