ਸਪੋਰਟਸ ਡੈਸਕ : ਮਹਿਲਾ ਟੀ-20 ਵਿਸ਼ਵ ਕੱਪ (The women’s T20 World Cup) ‘ਚ ਗਰੁੱਪ 1 ਦਾ ਅੱਜ ਵੱਡਾ ਮੈਚ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਸ਼ਾਰਜਾਹ ਕ੍ਰਿਕਟ ਸਟੇਡੀਅਮ ‘ਚ ਸ਼ਾਮ 7:30 ਵਜੇ ਖੇਡਿਆ ਜਾਵੇਗਾ। ਜੇਕਰ ਭਾਰਤ ਨੇ ਅਗਲੇ ਦੌਰ ‘ਚ ਪਹੁੰਚਣਾ ਹੈ ਤਾਂ ਇਹ ਮੈਚ ਜਿੱਤਣਾ ਜ਼ਰੂਰੀ ਹੈ। ਆਸਟ੍ਰੇਲੀਆ ਤਿੰਨੋਂ ਮੈਚ ਜਿੱਤ ਕੇ ਗਰੁੱਪ ਏ ਵਿੱਚ ਪਹਿਲੇ ਸਥਾਨ ’ਤੇ ਹੈ। ਭਾਰਤ 3 ਮੈਚਾਂ ‘ਚ 2 ਜਿੱਤਾਂ ਅਤੇ ਇਕ ਹਾਰ ਦੇ ਨਾਲ +0.576 ਦੀ ਨੈੱਟ ਰਨ ਰੇਟ ਨਾਲ ਦੂਜੇ ਸਥਾਨ ‘ਤੇ ਹੈ। ਨੈੱਟ ਰਨ ਰੇਟ (+0.282) ਕਾਰਨ ਨਿਊਜ਼ੀਲੈਂਡ ਤੀਜੇ ਸਥਾਨ ‘ਤੇ ਹੈ ਜਦਕਿ ਪਾਕਿਸਤਾਨ 2 ਹਾਰਾਂ ਅਤੇ ਇਕ ਜਿੱਤ ਨਾਲ 2 ਅੰਕਾਂ ਨਾਲ ਚੌਥੇ ਸਥਾਨ ‘ਤੇ ਹੈ। ਸ਼੍ਰੀਲੰਕਾ ਨੇ ਇਕ ਵੀ ਮੈਚ ਨਹੀਂ ਜਿੱਤਿਆ ਹੈ ਅਤੇ ਉਹ ਆਖਰੀ ਸਥਾਨ ‘ਤੇ ਹੈ।
ਹੈੱਡ ਟੂ ਹੈੱਡ
ਕੁੱਲ ਮੈਚ – 34
ਆਸਟ੍ਰੇਲੀਆ – 25 ਜਿੱਤਾਂ
ਭਾਰਤ – 7 ਜਿੱਤਾਂ
ਨੋਿਰਜ਼ਲਟ- ਇੱਕ
ਟਾਈ – ਇੱਕ
ਪਿੱਚ ਰਿਪੋਰਟ
ਟੀ-20 ਵਿਸ਼ਵ ਕੱਪ ‘ਚ ਹੁਣ ਤੱਕ ਖੇਡੇ ਗਏ ਮੈਚਾਂ ਤੋਂ ਇਹ ਕਹਿਣਾ ਸੁਰੱਖਿਅਤ ਹੈ ਕਿ ਦੁਬਈ ਦੀ ਵਿਕਟ ਬੱਲੇਬਾਜ਼ਾਂ ਲਈ ਕਾਫੀ ਬਿਹਤਰ ਰਹੀ ਹੈ, ਕਿਉਂਕਿ ਇਸ ਮੈਦਾਨ ‘ਤੇ ਤਿੰਨ ਵਾਰ 160 ਤੋਂ ਵੱਧ ਦਾ ਸਕੋਰ ਬਣ ਚੁੱਕਾ ਹੈ, ਜਿਸ ‘ਚ ਸ਼੍ਰੀਲੰਕਾ ਦੇ ਖ਼ਿਲਾਫ਼ ਭਾਰਤ ਦਾ 172/3 ਦਾ ਸਕੋਰ ਵੀ ਸ਼ਾਮਲ ਹੈ। ਇਸ ਦੇ ਉਲਟ, ਸ਼ਾਰਜਾਹ ਵਿੱਚ ਹੁਣ ਤੱਕ 130 ਦਾ ਅੰਕੜਾ ਸਿਰਫ ਇੱਕ ਵਾਰ ਪਾਰ ਕੀਤਾ ਗਿਆ ਹੈ ਜਦੋਂ ਆਸਟ੍ਰੇਲੀਆ ਨੇ ਨਿਊਜ਼ੀਲੈਂਡ ਵਿਰੁੱਧ 148/8 ਦਾ ਸਕੋਰ ਬਣਾਇਆ ਸੀ। ਸ਼ਾਰਜਾਹ ਇੰਟਰਨੈਸ਼ਨਲ ਕ੍ਰਿਕੇਟ ਸਟੇਡੀਅਮ ਇੱਕ ਅਜਿਹਾ ਮੈਦਾਨ ਹੈ ਜਿੱਥੇ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ ਨੂੰ ਫਾਇਦਾ ਹੁੰਦਾ ਹੈ ਕਿਉਂਕਿ ਖੇਡ ਅੱਗੇ ਵਧਣ ਦੇ ਨਾਲ ਪਿੱਚ ਹੌਲੀ ਹੋ ਜਾਂਦੀ ਹੈ ਅਤੇ ਐਤਵਾਰ ਦੇ ਮੈਚ ਵਿੱਚ ਟਾਸ ਜਿੱਤਣ ਵਾਲੇ ਕਪਤਾਨ ਨੂੰ ਇਸ ਨੂੰ ਧਿਆਨ ਵਿੱਚ ਰੱਖਣਾ ਹੋਵੇਗਾ। ਇਹ ਟ੍ਰੈਕ ਸਪਿਨਰਾਂ ਦੀ ਵੀ ਕਾਫੀ ਮਦਦ ਕਰਦਾ ਹੈ।
ਮੌਸਮ
ਐਕਯੂਵੇਦਰ ਦੇ ਅਨੁਸਾਰ, ਸ਼ਾਰਜਾਹ ਵਿੱਚ ਐਤਵਾਰ ਸ਼ਾਮ ਨੂੰ ਮੌਸਮ ਸਾਫ਼ ਅਤੇ ਗਰਮ ਰਹੇਗਾ ਅਤੇ ਔਸਤ ਤਾਪਮਾਨ 26 ਡਿਗਰੀ ਸੈਲਸੀਅਸ ਰਹੇਗਾ।
ਸੰਭਾਵਿਤ ਪਲੇਇੰਗ 11
ਭਾਰਤ: ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਹਰਮਨਪ੍ਰੀਤ ਕੌਰ (ਕਪਤਾਨ), ਜੇਮੀਮਾ ਰੌਡਰਿਗਜ਼, ਰਿਚਾ ਘੋਸ਼ (ਵਿਕਟਕੀਪਰ), ਦੀਪਤੀ ਸ਼ਰਮਾ, ਰਾਧਾ ਯਾਦਵ/ਐਸ ਸਜਨਾ, ਅਰੁੰਧਤੀ ਰੈੱਡੀ, ਸ਼੍ਰੇਅੰਕਾ ਪਾਟਿਲ, ਰੇਣੂਕਾ ਠਾਕੁਰ, ਆਸ਼ਾ ਸ਼ੋਭਨਾ।
ਆਸਟ੍ਰੇਲੀਆ: ਬੈਥ ਮੂਨੀ (ਵਿਕਟਕੀਪਰ), ਗ੍ਰੇਸ ਹੈਰਿਸ, ਐਲੀਸ ਪੇਰੀ, ਫੋਬੀ ਲਿਚਫੀਲਡ, ਐਸ਼ਲੇ ਗਾਰਡਨਰ, ਜਾਰਜੀਆ ਵੇਅਰਹੈਮ, ਟਾਹਲੀਆ ਮੈਕਗ੍ਰਾਥ (ਕਪਤਾਨ), ਐਨਾਬੇਲ ਸਦਰਲੈਂਡ, ਸੋਫੀ ਮੋਲੀਨੇਕਸ, ਮੇਗਨ ਸ਼ੂਟ, ਡਾਰਸੀ ਬ੍ਰਾਊਨ/ਅਲਾਨਾ ਕਿੰਗ।