ਸਪੋਰਟਸ ਡੈਸਕ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਨੇ ਪੈਰਿਸ ਪੈਰਾਲੰਪਿਕ (Paris Paralympics) ‘ਚ ਜੈਵਲਿਨ ਥ੍ਰੋਅ ‘ਚ ਸੋਨ ਤਮਗਾ ਜਿੱਤਣ ਵਾਲੇ ਪਾਣੀਪਤ ਦੇ ਪਿੰਡ ਬੁਆਨਾ ਲੱਖੂ ਦੇ ਨਿਵਾਸੀ ਨਵਦੀਪ (Navdeep) ਨਾਲ ਇਕ ਵੱਖਰੇ ਤਰੀਕੇ ਨਾਲ ਮੁਲਾਕਾਤ ਕੀਤੀ। ਨਵਦੀਪ ਦੇ ਭਰਾ ਮਨਦੀਪ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਉਨ੍ਹਾਂ ਦੀ ਮੁਲਾਕਾਤ ਚੰਗੀ ਰਹੀ। ਉਹ ਪਿੰਡ ਵਿੱਚ ਨਵਦੀਪ ਦਾ ਨਿੱਘਾ ਸਵਾਗਤ ਕਰਨਗੇ।
ਉਨ੍ਹਾਂ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨੇ ਫਰਸ਼ ‘ਤੇ ਬੈਠ ਕੇ ਉਨ੍ਹਾਂ ਨਾਲ ਗੱਲ ਕੀਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਹੁਣ ਲੱਗਦਾ ਹੈ ਕਿ ਤੁਸੀਂ ਵੱਡੇ ਹੋ ਗਏ ਹੋ। ਇਸ ‘ਤੇ ਨਵਦੀਪ ਦੇ ਖੁਸ਼ੀ ਦੇ ਪਲਾਂ ਦੀ ਕੋਈ ਹੱਦ ਨਾ ਰਹੀ। ਜ਼ਿਕਰਯੋਗ ਹੈ ਕਿ ਨਵਦੀਪ ਦਾ ਕੱਦ ਕਰੀਬ ਚਾਰ ਫੁੱਟ ਹੈ। ਨਵਦੀਪ ਸਿੰਘ ਨੇ ਪੈਰਿਸ ਪੈਰਾਲੰਪਿਕ ਦੇ F-41 ਵਰਗ ‘ਚ ਸੋਨ ਤਮਗਾ ਜਿੱਤਿਆ ਹੈ। ਉਹ ਦੋ ਦਿਨ ਪਹਿਲਾਂ ਪੈਰਿਸ ਤੋਂ ਦਿੱਲੀ ਆਏ ਸੀ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਗੋਲਡਨ ਬੁਆਏ ਨਵਦੀਪ ਸਿੰਘ ਦੀ ਮੁਲਾਕਾਤ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਦਰਅਸਲ ਨਵਦੀਪ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲਈ ਇਕ ਕੈਪ ਲੈ ਕੇ ਆਏ ਸੀ। ਉਹ ਖੁਦ ਪ੍ਰਧਾਨ ਮੰਤਰੀ ਨੂੰ ਕੈਪ ਪਹਿਨਾਉਣਾ ਚਾਹੁੰਦੇ ਸੀ। ਉਨ੍ਹਾਂ ਦੇ ਦਿਮਾਗ ਵਿਚ ਵੱਡਾ ਸਵਾਲ ਸੀ ਕਿ ਉਹ ਛੋਟੇ ਕੱਦ ਦੇ ਹਨ ਅਤੇ ਅਜਿਹੇ ‘ਚ ਉਹ ਪ੍ਰਧਾਨ ਮੰਤਰੀ ਨੂੰ ਕੈਪ ਕਿਵੇਂ ਪਹਿਨਾਉਣਗੇ? ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉਨ੍ਹਾਂ ਦੀਆਂ ਭਾਵਨਾਵਾਂ ਨੂੰ ਸਮਝਦੇ ਹੋਏ ਫਰਸ਼ ‘ਤੇ ਬੈਠ ਗਏ। ਇਸ ਤੋਂ ਪਹਿਲਾਂ ਕਿ ਨਵਦੀਪ ਕੁਝ ਸਮਝ ਪਾਉਂਦੇ, ਪੀ.ਐਮ ਮੋਦੀ ਨੇ ਕਿਹਾ, ਦੇਖੋ, ਤੁਸੀਂ ਮੇਰੇ ਤੋਂ ਵੱਡੇ ਲੱਗਦੇ ਹੋ। ਨਵਦੀਪ ਨੇ ਉਨ੍ਹਾਂ ਨੂੰ ਟੋਪੀ ਪਹਿਨਾਈ। ਨਵਦੀਪ ਸਿੰਘ ਨੇ ਆਪਣੀ ਥ੍ਰੋਿੲੰਗ ਬਾਂਹ ‘ਤੇ ਆਟੋਗ੍ਰਾਫ ਵੀ ਦਿੱਤਾ। ਨਵਦੀਪ ਦੇ ਭਰਾ ਮਨਦੀਪ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਉਨ੍ਹਾਂ ਦੀ ਮੁਲਾਕਾਤ ਚੰਗੀ ਰਹੀ। ਉਹ ਪਿੰਡ ਵਿੱਚ ਨਵਦੀਪ ਦਾ ਨਿੱਘਾ ਸਵਾਗਤ ਕਰਨਗੇ।
ਨਵਦੀਪ ਨੇ ਪੈਰਿਸ ਪੈਰਾਲੰਪਿਕਸ-2024 ‘ਚ F-41 ਵਰਗ ‘ਚ 47.32 ਮੀਟਰ ਦਾ ਥਰੋਅ ਸੁੱਟਿਆ ਸੀ। ਉਨ੍ਹਾਂ ਨੇ ਚਾਂਦੀ ਦਾ ਤਗਮਾ ਹਾਸਲ ਕੀਤਾ। ਜਦੋਂ ਕਿ ਈਰਾਨ ਦੇ ਸਾਦੇਗ ਨੇ 47.64 ਮੀਟਰ ਤੱਕ ਜੈਵਲਿਨ ਸੁੱਟਿਆ ਸੀ। ਉਨ੍ਹਾਂ ਨੂੰ ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਅਯੋਗ ਕਰਾਰ ਦਿੱਤਾ ਗਿਆ ਸੀ। ਜਿਸ ਕਾਰਨ ਨਵਦੀਪ ਸਿੰਘ ਨੇ ਸੋਨ ਤਗਮਾ ਹਾਸਲ ਕੀਤਾ। ਟੋਕੀਓ ਪੈਰਾਲੰਪਿਕ ਵਿੱਚ ਨਵਦੀਪ ਚੌਥੇ ਸਥਾਨ ’ਤੇ ਰਹੇ। ਜੈਵਲਿਨ ਥ੍ਰੋਅ ‘ਚ ਸੋਨ ਤਮਗਾ ਜਿੱਤਣ ਤੋਂ ਬਾਅਦ ਉਹ ਕਾਫੀ ਖੁਸ਼ ਨਜ਼ਰ ਆ ਰਹੇ ਸਨ। ਇਸ ਦੇ ਨਾਲ ਹੀ ਜਸ਼ਨ ਦੌਰਾਨ ਉਨ੍ਹਾਂ ਦੇ ਚਿਹਰੇ ‘ਤੇ ਕੁਝ ਗੁੱਸਾ ਵੀ ਦੇਖਣ ਨੂੰ ਮਿਲਿਆ। ਪੀ.ਐਮ ਮੋਦੀ ਨੇ ਉਨ੍ਹਾਂ ਦੇ ਗੁੱਸੇ ਬਾਰੇ ਗੱਲ ਕਰਦੇ ਹੋਏ ਕਿਹਾ ਕਿ ਆਪਣਾ ਵੀਡੀਓ ਦੇਖਿਆ, ਸਾਰੇ ਲੋਕ ਡਰਦੇ ਹਨ। ਇਹ ਸੁਣ ਕੇ ਨਵਦੀਪ ਸਿੰਘ ਵੀ ਹੱਸਣ ਲੱਗਾ। ਉਨ੍ਹਾਂ ਕਿਹਾ ਕਿ ਅਜਿਹਾ ਉਤਸ਼ਾਹ ਕਾਰਨ ਹੋਇਆ ਹੈ।
The post PM ਮੋਦੀ ਨੇ ਪੈਰਿਸ ਪੈਰਾਲੰਪਿਕ ‘ਚ ਸੋਨ ਤਮਗਾ ਜਿੱਤਣ ਵਾਲੇ ਨਵਦੀਪ ਨਾਲ ਇਕ ਵੱਖਰੇ ਤਰੀਕੇ ਨਾਲ ਕੀਤੀ ਮੁਲਾਕਾਤ appeared first on Time Tv.