ਨਵੀਂ ਦਿੱਲੀ: ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਗੌਤਮ ਗੰਭੀਰ (Gautam Gambhir) ਦੇ ਪ੍ਰਸ਼ੰਸਕਾਂ ਲਈ ਇੱਕ ਖ਼ੁਸ਼ਖ਼ਬਰੀ ਹੈ। ਗੌਤਮ ਗੰਭੀਰ ਦੀ ਇਕ ਵਾਰ ਫਿਰ ਆਈ.ਪੀ.ਐੱਲ. (IPL) ‘ਚ ਵਾਪਸੀ ਹੋ ਗਈ ਹੈ। ਦਰਅਸਲ, ਗੌਤਮ ਗੰਭੀਰ ਕੋਲਕਾਤਾ ਨਾਈਟ ਰਾਈਡਰਜ਼ (Kolkata Knight Riders) ਦੇ ਮੈਂਟਰ ਹੋਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਪਹਿਲਾਂ ਉਹ ਲਖਨਊ ਸੁਪਰ ਜਾਇੰਟਸ ਟੀਮ ਦੇ ਮੈਂਟਰ ਦੀ ਭੂਮਿਕਾ ਨਿਭਾਅ ਰਹੇ ਸਨ, ਹਾਲਾਂਕਿ ਗੰਭੀਰ ਨੇ ਲਖਨਊ ਟੀਮ ਦੇ ਮੈਂਟਰ ਦਾ ਅਹੁਦਾ ਛੱਡ ਦਿੱਤਾ ਹੈ।
ਇਸ ਤੋਂ ਪਹਿਲਾਂ, IPL 2023 ਦੇ ਖਤਮ ਹੋਣ ਤੋਂ ਬਾਅਦ, ਗੌਤਮ ਗੰਭੀਰ ਨੇ ਸ਼ਾਹਰੁਖ ਖਾਨ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਉਦੋਂ ਤੋਂ ਕਿਆਸ ਲਗਾਏ ਜਾ ਰਹੇ ਸਨ ਕਿ ਗੰਭੀਰ IPL ਟੀਮ ਨਾਲ ਜੁੜ ਸਕਦੇ ਹਨ।
ਕੇਕੇਆਰ ਦੇ ਸੀਈਓ ਵੈਂਕੀ ਮੈਸੂਰ ਨੇ ਅੱਜ (ਬੁੱਧਵਾਰ, 22 ਨਵੰਬਰ) ਘੋਸ਼ਣਾ ਕੀਤੀ ਕਿ ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਗੌਤਮ ਗੰਭੀਰ ਕੇਕੇਆਰ ਵਿੱਚ “ਮੈਂਟਰ” ਵਜੋਂ ਵਾਪਸੀ ਕਰੇਗਾ ਅਤੇ ਮੁੱਖ ਕੋਚ ਚੰਦਰਕਾਂਤ ਪੰਡਿਤ ਨਾਲ ਮਿਲ ਕੇ ਕੰਮ ਕਰਨਗੇ।
The post IPLਪ੍ਰਸ਼ੰਸਕਾਂ ਲਈ ਵੱਡੀ ਖ਼ਬਰ, ਗੌਤਮ ਗੰਭੀਰ ਦੀ ਕੋਲਕਾਤਾ ਨਾਈਟ ਰਾਈਡਰਜ਼ ‘ਚ ਵਾਪਸੀ appeared first on Time Tv.