ਹਰਿਆਣਾ : ਹਰਿਆਣਾ ਦੀ ਪਹਿਲਵਾਨ ਰਿਤਿਕਾ ਹੁੱਡਾ (Wrestler Ritika Hooda) ਅੱਜ ਪੈਰਿਸ ਓਲੰਪਿਕ (The Paris Olympics) ‘ਚ 76 ਕਿਲੋਗ੍ਰਾਮ ਭਾਰ ਵਰਗ (The 76 kg Weight Category) ‘ਚ ਭਾਰਤ ਦੀ ਨੁਮਾਇੰਦਗੀ ਕਰਨਗੇ ਉਨ੍ਹਾਂ ਦਾ ਮੈਚ ਦੁਪਹਿਰ 3 ਵਜੇ ਹੋਵੇਗਾ।
ਰਿਤਿਕਾ ਨੇ 9 ਸਾਲ ਦੀ ਉਮਰ ਵਿੱਚ ਕੁਸ਼ਤੀ ਸ਼ੁਰੂ ਕਰ ਦਿੱਤੀ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਸ ਨੇ ਓਲੰਪਿਕ ‘ਚ ਸੋਨ ਤਮਗਾ ਜਿੱਤਣ ਲਈ ਉਨ੍ਹਾਂ ਨੇ ਰੋਜ਼ਾਨਾ 7 ਘੰਟੇ ਪਸੀਨਾ ਵਹਾਇਆ ਹੈ। ਪੈਰਿਸ ਰਵਾਨਾ ਹੋਣ ਤੋਂ ਪਹਿਲਾਂ ਰਿਤਿਕਾ ਨੇ ਕਿਹਾ ਸੀ, ‘ਜਦੋਂ ਉਸ ਨੂੰ ਰਾਸ਼ਟਰਮੰਡਲ ਅਤੇ ਏਸ਼ੀਆਈ ਖੇਡਾਂ ‘ਚ ਨਹੀਂ ਚੁਣਿਆ ਗਿਆ ਸੀ ਤਾਂ ਉਨ੍ਹਾਂ ਨੇ ਕੁਸ਼ਤੀ ਛੱਡਣ ਦਾ ਫੈਸਲਾ ਕੀਤਾ ਸੀ। ਮਾਪਿਆਂ ਨੇ ਉਨ੍ਹਾਂ ਨੂੰ ਕੁਸ਼ਤੀ ਖੇਡਣ ਲਈ ਪ੍ਰੇਰਿਆ।
ਪਹਿਲਵਾਨ ਰਿਤਿਕਾ ਹੁੱਡਾ ਰੋਹਤਕ ਦੇ ਖਰਕੜਾ ਪਿੰਡ ਦੀ ਰਹਿਣ ਵਾਲੇ ਹਨ। ਅੱਜ ਉਹ ਪਹਿਲੀ ਵਾਰ ਓਲੰਪਿਕ ਮੈਡਲ ਲਈ ਪੈਰਿਸ ‘ਚ ਮੈਟ ‘ਤੇ ਉਤਰਨਗੇ। ਰਿਤਿਕਾ ਦਾ ਸਾਹਮਣਾ ਹੰਗਰੀ ਦੀ ਬਰਨਾਡੇਟ ਨਾਗੀ ਨਾਲ ਹੋਵੇਗਾ। ਜੇਕਰ ਉਹ ਇਸ ਚੁਣੌਤੀ ਨੂੰ ਪਾਰ ਕਰਨ ‘ਚ ਸਫਲ ਰਹਿੰਦੇ ਹਨ ਤਾਂ ਉਹ ਉਸੇ ਦਿਨ ਕੁਆਰਟਰ ਫਾਈਨਲ ਅਤੇ ਸੈਮੀਫਾਈਨਲ ਮੈਚ ਖੇਡਣਗੇ। ਸੈਮੀਫਾਇਨਲ ਜਿੱਤਣ ‘ਤੇ ਉਹ ਦੇਸ਼ ਦੇ ਲਈ ਮੈਡਲ ਲਿਆ ਸਕਦੇ ਹਨ।
ਰੀਤਿਕਾ ਅੰਡਰ 23 ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਸੋਨ ਤਮਗਾ ਜਿੱਤਣ ਵਾਲੇ ਪਹਿਲੇ ਮਹਿਲਾ ਖਿਡਾਰਨ ਹਨ
ਰਿਤਿਕਾ ਹੁੱਡਾ ਵਿਸ਼ਵ ਚੈਂਪੀਅਨਸ਼ਿਪ ਦੇ ਅੰਡਰ-23 ਵਰਗ ਵਿੱਚ ਸੋਨ ਤਮਗਾ ਜਿੱਤਣ ਵਾਲੇ ਪਹਿਲੇ ਮਹਿਲਾ ਖਿਡਾਰਨ ਹਨ । ਉਨ੍ਹਾਂ ਨੇ ਦਸੰਬਰ 2023 ਵਿੱਚ ਅਲਬਾਨੀਆ ਦੀ ਰਾਜਧਾਨੀ ਤਿਰਾਨਾ ਵਿੱਚ ਹੋਈ ਚੈਂਪੀਅਨਸ਼ਿਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਸੋਨ ਤਗਮਾ ਜਿੱਤਿਆ। ਇਸ ਤੋਂ ਪਹਿਲਾਂ ਭਾਰਤ ਦੇ ਸਿਰਫ਼ ਇੱਕ ਹੀ ਪੁਰਸ਼ ਪਹਿਲਵਾਨ ਨੇ ਅੰਡਰ-23 ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਸੋਨ ਤਗ਼ਮਾ ਜਿੱਤਿਆ ਸੀ।