ਲੁਧਿਆਣਾ : ਅੱਜ ਤੜਕੇ ਕਰੀਬ 3 ਵਜੇ ਲੁਧਿਆਣਾ ਭੱਟੀਆਂ (Ludhiana Bhattian) ਨੇੜੇ ਨੈਸ਼ਨਲ ਹਾਈਵੇਅ ਫਲਾਈਓਵਰ ਤੋਂ ਗੜ੍ਹਸ਼ੰਕਰ ਹੁਸ਼ਿਆਰਪੁਰ (Garhshankar Hoshiarpur) ਤੋਂ ਬੱਜਰੀ ਨਾਲ ਭਰਿਆ ਟਿੱਪਰ ਪਲਟ ਗਿਆ ਅਤੇ ਸਰਵਿਸ ਰੋਡ ‘ਤੇ ਜਾ ਡਿੱਗਿਆ। ਇਸ ਹਾਦਸੇ ‘ਚ ਸੜਕ ‘ਤੇ ਸਾਰੀ ਬੱਜਰੀ ਖਿੱਲਰ ਜਾਣ ਕਾਰਨ ਪੂਰੀ ਸੜਕ ਬੰਦ ਹੋ ਗਈ।
ਸੂਤਰਾਂ ਮੁਤਾਬਕ ਡਰਾਈਵਰ ਨੂੰ ਵੀ ਕੁਝ ਸੱਟਾਂ ਲੱਗੀਆਂ ਹਨ। ਅੱਜ ਸਵੇਰੇ ਸਕੂਲ ਦਾ ਸਮਾਂ ਸੀ ਅਤੇ ਰਾਹਗੀਰਾਂ ਨੂੰ ਸੜਕ ਤੋਂ ਲੰਘਣਾ ਪਿਆ, ਜਿਨ੍ਹਾਂ ਨੂੰ ਬੱਜਰੀ ਕਾਰਨ ਕਾਫੀ ਦਿੱਕਤ ਦਾ ਸਾਹਮਣਾ ਕਰਨਾ ਪਿਆ। ਇਸ ਸਬੰਧੀ ਟਰੈਫਿਕ ਵਿਭਾਗ ਨੂੰ ਜਾਣਕਾਰੀ ਦਿੰਦਿਆਂ ਟਰੈਫਿਕ ਇੰਚਾਰਜ ਦੀਪਕ ਕੁਮਾਰ ਨੇ ਦੱਸਿਆ ਕਿ ਜਲਦੀ ਹੀ ਸੜਕ ਨੂੰ ਖੁਲ੍ਹਵਾ ਕੇ ਲੋਕਾਂ ਦੀ ਆਵਾਜਾਈ ਬਹਾਲ ਕਰ ਦਿੱਤੀ ਜਾਵੇਗੀ।