ਭੋਪਾਲ : ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਦੇ ਬੇਟੇ ਕੁਣਾਲ ਨੇ ਦੋ ਦਿਨ ਪਹਿਲਾਂ ਰਾਜਧਾਨੀ ਭੋਪਾਲ ਦੇ ਮਸ਼ਹੂਰ ਡਾਕਟਰ ਜੈਨ ਦੀ ਪੋਤੀ ਨਾਲ ਇਕ ਬਹੁਤ ਹੀ ਨਿੱਜੀ ਸਮਾਗਮ ‘ਚ ਮੰਗਣੀ ਕਰ ਲਈ। ਬਹੁਤ ਹੀ ਪਰਿਵਾਰਕ ਅਤੇ ਸਾਦੇ ਢੰਗ ਨਾਲ ਕਰਵਾਏ ਗਏ ਇਸ ਰੋਕਾ ਵਿੱਚ ਸ਼ਿਵਰਾਜ ਸਿੰਘ ਚੌਹਾਨ ਦੇ ਪਰਿਵਾਰ ਅਤੇ ਜੈਨ ਪਰਿਵਾਰ ਨੇ ਸ਼ਮੂਲੀਅਤ ਕੀਤੀ। ਮੰਗਣੀ ਤੋਂ ਬਾਅਦ ਦੋਵਾਂ ਪਰਿਵਾਰਾਂ ‘ਚ ਖੁਸ਼ੀ ਦਾ ਮਾਹੌਲ ਦੇਖਣ ਨੂੰ ਮਿਲ ਰਿਹਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਵਰਾਜ ਸਿੰਘ ਚੌਹਾਨ ਦੇ ਦੋ ਬੇਟੇ ਹਨ। ਵੱਡੇ ਬੇਟੇ ਕਾਰਤੀਕੇਅ ਨੂੰ ਅਕਸਰ ਸ਼ਿਵਰਾਜ ਸਿੰਘ ਚੌਹਾਨ ਨਾਲ ਸਿਆਸੀ ਪ੍ਰੋਗਰਾਮਾਂ ਅਤੇ ਰੈਲੀਆਂ ਨੂੰ ਸੰਬੋਧਨ ਕਰਦੇ ਦੇਖਿਆ ਜਾਂਦਾ ਹੈ, ਜਦਕਿ ਦੂਜੇ ਪਾਸੇ ਕੁਣਾਲ ਰਾਜਨੀਤੀ ਤੋਂ ਦੂਰ ਨਜ਼ਰ ਆਉਂਦੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਕੁਣਾਲ ਅਤੇ ਜੈਨ ਪਰਿਵਾਰ ਦੀ ਬੇਟੀ ਅਮਰੀਕਾ ‘ਚ ਇਕੱਠੇ ਪੜ੍ਹਦੇ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਵਰਾਜ ਸਿੰਘ ਚੌਹਾਨ ਦਾ ਵੱਡਾ ਬੇਟਾ ਕਾਰਤੀਕੇਅ ਅਜੇ ਤੱਕ ਅਣਵਿਆਹਿਆ ਹੈ।