ਯੂਕਰੇਨ ਨੇ ਰੂਸ ਦੇ ਡੋਨੇਟਸਕ ਸ਼ਹਿਰ ‘ਤੇ ਕੀਤੀ ਬੰਬਾਰੀ, 27 ਲੋਕਾਂ ਦੀ ਮੌਤ

ਕੀਵ: ਰੂਸ (Russia) ਦੇ ਕਬਜ਼ੇ ਵਾਲੇ ਯੂਕਰੇਨ (Ukraine) ਦੇ ਇੱਕ ਬਾਜ਼ਾਰ ਉੱਤੇ ਗੋਲੀਬਾਰੀ ਵਿੱਚ ਘੱਟੋ-ਘੱਟ 27 ਲੋਕਾਂ ਦੀ ਮੌਤ ਹੋ ਗਈ। ਸਥਾਨਕ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਹਮਲਾ ਐਤਵਾਰ ਸਵੇਰੇ ਡੋਨੇਟਸਕ ਸ਼ਹਿਰ ਦੇ ਉਪਨਗਰ ਟੇਕਸਤਿਲਸ਼ਚਿਕ ‘ਚ ਕੀਤਾ ਗਿਆ। ਡੋਨੇਟਸਕ ‘ਚ ਰੂਸ ਵਲੋਂ ਨਿਯੁਕਤ ਇਕ ਚੋਟੀ ਦੇ ਅਧਿਕਾਰੀ ਡੇਨਿਸ ਪੁਸ਼ਿਲਿਨ ਨੇ ਕਿਹਾ ਕਿ ਹਮਲੇ ‘ਚ 25 ਲੋਕ ਜ਼ਖਮੀ ਵੀ ਹੋਏ ਹਨ। ਉਸ ਨੇ ਕਿਹਾ ਕਿ ਗੋਲੀਬਾਰੀ ਯੂਕਰੇਨ ਦੀ ਫੌਜ ਦੁਆਰਾ ਕੀਤੀ ਗਈ ਸੀ।

ਯੂਕਰੇਨ ਨੇ ਇਸ ਘਟਨਾ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ ਅਤੇ ਦਾਅਵਿਆਂ ਦੀ ਐਸੋਸੀਏਟਡ ਪ੍ਰੈਸ ਦੁਆਰਾ ਸੁਤੰਤਰ ਤੌਰ ‘ਤੇ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ ਹੈ। ਪੁਸ਼ਿਲਿਨ ਨੇ ਕਿਹਾ ਕਿ ਐਮਰਜੈਂਸੀ ਸੇਵਾ ਦੇ ਕਰਮਚਾਰੀ ਮੌਕੇ ‘ਤੇ ਬਚਾਅ ਕਾਰਜ ਚਲਾ ਰਹੇ ਹਨ। ਇਸ ਦੌਰਾਨ, ਸਥਾਨਕ ਅਧਿਕਾਰੀਆਂ ਨੇ ਕਿਹਾ ਕਿ ਐਤਵਾਰ ਨੂੰ ਰੂਸ ਦੇ ਉਸਤ-ਲੁਗਾ ਬੰਦਰਗਾਹ ‘ਤੇ ਇਕ ਰਸਾਇਣਕ ਟਰਾਂਸਪੋਰਟ ਟਰਮੀਨਲ ‘ਤੇ ਦੋ ਧਮਾਕਿਆਂ ਤੋਂ ਬਾਅਦ ਅੱਗ ਲੱਗ ਗਈ।

ਸਥਾਨਕ ਮੀਡੀਆ ਨੇ ਦੱਸਿਆ ਕਿ ਬੰਦਰਗਾਹ ‘ਤੇ ਯੂਕਰੇਨੀ ਡਰੋਨਾਂ ਦੁਆਰਾ ਹਮਲਾ ਕੀਤਾ ਗਿਆ ਸੀ, ਜਿਸ ਕਾਰਨ ਇੱਕ ਗੈਸ ਟੈਂਕ ਫਟ ਗਿਆ ਅਤੇ ਅੱਗ ਫੈਲ ਗਈ। ਰੂਸ ਸਥਿਤ ਕਿੰਗਸੇਪ ਖੇਤਰ ਵਿੱਚ ਬੰਦਰਗਾਹ ਦੇ ਮੁਖੀ ਯੂਰੀ ਜ਼ਪਾਟਸਕੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਘਟਨਾ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ, ਪਰ ਜ਼ਿਲ੍ਹੇ ਨੂੰ ‘ਹਾਈ ਅਲਰਟ’ ‘ਤੇ ਰੱਖਿਆ ਗਿਆ ਹੈ।

The post ਯੂਕਰੇਨ ਨੇ ਰੂਸ ਦੇ ਡੋਨੇਟਸਕ ਸ਼ਹਿਰ ‘ਤੇ ਕੀਤੀ ਬੰਬਾਰੀ, 27 ਲੋਕਾਂ ਦੀ ਮੌਤ appeared first on Time Tv.