ਨਵੀਂ ਦਿੱਲੀ- ‘ਮਿਰਜ਼ਾਪੁਰ’ (‘Mirzapur’) ਵੈੱਬ ਸੀਰੀਜ਼ ਕਰਨ ਅੰਸ਼ੁਮਨ ਦੁਆਰਾ ਬਣਾਈ ਗਈ ਹੈ ਅਤੇ ਅਨੁਸ਼ਮਾਨ, ਪੁਨੀਤ ਕ੍ਰਿਸ਼ਨਾ ਅਤੇ ਵਿਨੀਤ ਕ੍ਰਿਸ਼ਨਾ ਦੁਆਰਾ ਲਿਖੀ ਗਈ ਹੈ। ਇਸ ਦਾ ਪਹਿਲਾ ਭਾਗ ਸਾਲ 2018 ਵਿੱਚ ਰਿਲੀਜ਼ ਹੋਇਆ ਸੀ ਅਤੇ ਦੂਜਾ ਭਾਗ 2020 ਵਿੱਚ ਆਇਆ ਸੀ। ਪ੍ਰਸ਼ੰਸਕਾਂ ਦੀ ਮੰਗ ‘ਤੇ ਹੁਣ ਤੀਜੇ ਭਾਗ ਲਈ ਸ਼ੋਅ ਦੇ ਨਿਰਮਾਤਾ ਇਸ ਨੂੰ ਦੁਬਾਰਾ ਲਿਆ ਰਹੇ ਹਨ। ‘ਮਿਰਜ਼ਾਪੁਰ-3’ ਦੀ ਸ਼ੂਟਿੰਗ ਖਤਮ ਹੋ ਚੁੱਕੀ ਹੈ। ਨਿਰਮਾਤਾ ਇਸ ਦੇ ਪੋਸਟ ਪ੍ਰੋਡਕਸ਼ਨ ਦੀਆਂ ਕੁਝ ਚੀਜ਼ਾਂ ਨੂੰ ਫਾਈਨਲ ਕਰਨ ਵਿੱਚ ਰੁੱਝੇ ਹੋਏ ਹਨ।
ਹੁਣ ਖ਼ਬਰ ਹੈ ਕਿ ‘ਮਿਰਜ਼ਾਪੁਰ-2’ ਇਸ ਸਾਲ ਮਾਰਚ ‘ਚ ਅਮੇਜ਼ਨ ਪ੍ਰਾਈਮ ਵੀਡੀਓ ‘ਤੇ ਸਟ੍ਰੀਮ ਕੀਤਾ ਜਾਵੇਗਾ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਮਾਰਚ 2024 ਦੇ ਆਖਰੀ ਹਫਤੇ ਦਰਸ਼ਕ ਘਰ ਬੈਠੇ ਇਸਦਾ ਆਨੰਦ ਲੈਣਗੇ। ਹਾਲਾਂਕਿ ਇਸ ਸਬੰਧ ‘ਚ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ।
ਕੀ ਹੈ ‘ਮਿਰਜ਼ਾਪੁਰ-3’ ਦੀ ਕਹਾਣੀ?
ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਤੱਕ ‘ਮਿਰਜ਼ਾਪੁਰ’ ਦੇ ਸਾਰੇ ਭਾਗਾਂ ਨੂੰ ਦਰਸ਼ਕਾਂ ਵੱਲੋਂ ਸ਼ਾਨਦਾਰ ਹੁੰਗਾਰਾ ਮਿਲ ਚੁੱਕਾ ਹੈ। ਇਸ ਸੀਰੀਜ਼ ਦੇ ਦੋਵੇਂ ਭਾਗ ਸੁਪਰਹਿੱਟ ਸਾਬਤ ਹੋਏ ਹਨ। ਇਸ ਸੀਰੀਜ਼ ਦਾ ਹਰ ਕਿਰਦਾਰ ਕਾਫੀ ਮਸ਼ਹੂਰ ਹੋਇਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਸੀਰੀਜ਼ ਦੀ ਕਹਾਣੀ ਨੂੰ ਤੀਜੇ ਭਾਗ ਨਾਲ ਅੱਗੇ ਲਿਜਾਇਆ ਜਾਵੇਗਾ। ਇੱਕ ਵਾਰ ਫਿਰ ਤ੍ਰਿਪਾਠੀ ਅਤੇ ਪੰਡਿਤ ਪਰਿਵਾਰ ਵਿੱਚ ਜ਼ਬਰਦਸਤ ਲੜਾਈ ਦੇਖਣ ਨੂੰ ਮਿਲੇਗੀ ਪਰ ਇਸ ਵਾਰ ਇੱਕ ਨਵੀਂ ਕਹਾਣੀ ਦਾ ਜਨਮ ਹੋਵੇਗਾ। ਜਿਵੇਂ ਕਿ ਹਰ ਕੋਈ ਜਾਣਦਾ ਹੈ ਕਿ ਮਿਰਜ਼ਾਪੁਰ ਸੀਜ਼ਨ 2 ਇਸ ਸੰਕੇਤ ਦੇ ਨਾਲ ਖਤਮ ਹੋਇਆ ਕਿ ਗੁੱਡੂ ਨੇ ਕਾਲੀਨ ਭਈਆ ਨੂੰ ਹਰਾਇਆ ਹੈ। ਕਾਲੀਨ ਭਈਆ ਯਾਨੀ ਅਖੰਡਾਨੰਦ ‘ਕਾਲੀਨ’ ਤ੍ਰਿਪਾਠੀ ਨੂੰ ਆਪਣੀ ਪਤਨੀ ਦਾ ਸਮਰਥਨ ਵੀ ਨਹੀਂ ਮਿਲਿਆ। ਹੁਣ ਦੇਖਣਾ ਹੋਵੇਗਾ ਕਿ ‘ਮਿਰਜ਼ਾਪੁਰ-3’ ‘ਚ ਕੌਣ ਕਿਸ ‘ਤੇ ਹਾਵੀ ਹੁੰਦਾ ਹੈ।
‘ਮਿਰਜ਼ਾਪੁਰ-3’ ਕਾਸਟ
‘ਮਿਰਜ਼ਾਪੁਰ-3’ ‘ਚ ਇਸ ਵਾਰ ਵੀ ਤੁਸੀਂ ਪੰਕਜ ਤ੍ਰਿਪਾਠੀ ਕਾਲੀਨ ਭਈਆ ਦੇ ਕਿਰਦਾਰ ‘ਚ ਨਜ਼ਰ ਆਉਣਗੇ। ਗੁੱਡੂ ਦੇ ਕਿਰਦਾਰ ‘ਚ ਅਲੀ ਫਜ਼ਲ ਇਕ ਵਾਰ ਫਿਰ ਦਿਲ ਜਿੱਤਣ ਜਾ ਰਹੇ ਹਨ। ਉਨ੍ਹਾਂ ਤੋਂ ਇਲਾਵਾ ਸ਼ਵੇਤਾ ਤ੍ਰਿਪਾਠੀ ਸ਼ਰਮਾ, ਰਸਿਕਾ ਦੁਗਲ, ਵਿਜੇ ਵਰਮਾ, ਹਰਸ਼ਿਤਾ ਗੌੜ, ਅੰਜੁਮ ਸ਼ਰਮਾ, ਪ੍ਰਿਯਾਂਸ਼ੂ ਪੇਨਯੁਲੀ, ਸ਼ੀਬਾ ਚੱਢਾ ਅਤੇ ਰਾਜੇਸ਼ ਤੈਲੰਗ ਵੀ ਨਜ਼ਰ ਆਉਣਗੇ।