ਮਧੂਬਨੀ: ਬਿਹਾਰ ‘ਚ ਝੰਝਾਰਪੁਰ ਵਿਧਾਨ ਸਭਾ ਦੇ ਸਾਬਕਾ ਆਰ.ਜੇ.ਡੀ. ਵਿਧਾਇਕ ਗੁਲਾਬ ਯਾਦਵ (Former RJD MLA Gulab Yadav) ਦੇ ਗੰਗਾਪੁਰ ਸਥਿਤ ਜੱਦੀ ਘਰ ‘ਤੇ ਈ.ਡੀ ਦੀ ਛਾਪੇਮਾਰੀ ਜਾਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮਨੀ ਲਾਂਡਰਿੰਗ ਮਾਮਲੇ (The Money Laundering Case) ‘ਚ ਈ.ਡੀ ਨੇ ਗੁਲਾਬ ਯਾਦਵ ਖ਼ਿਲਾਫ਼ ਵੱਡੀ ਕਾਰਵਾਈ ਕੀਤੀ ਹੈ।
ਜਾਣਕਾਰੀ ਮੁਤਾਬਕ ਸਾਬਕਾ ਰਾਸ਼ਟਰੀ ਜਨਤਾ ਦਲ ਦੇ ਵਿਧਾਇਕ ਗੁਲਾਬ ਯਾਦਵ ਦੇ ਪੁਣੇ, ਪਟਨਾ ਅਤੇ ਨਿਜੀ ਘਰ ‘ਤੇ ਇਕੱਠੇ ਹੀ ED ਦੀ ਟੀਮ ਛਾਪੇਮਾਰੀ ਕਰ ਰਹੀ ਹੈ। ਕੇਂਦਰੀ ਸੁਰੱਖਿਆ ਬਲ ਦੇ ਨਾਲ ਪਹੁੰਚੇ ਈ.ਡੀ ਦੇ ਇੱਕ ਦਰਜਨ ਅਧਿਕਾਰੀ ਗੁਲਾਬ ਯਾਦਵ ਦੇ ਘਰ ਦੀ ਤਲਾਸ਼ੀ ਲੈ ਰਹੇ ਹਨ। ਕਿਸੇ ਵੀ ਬਾਹਰੀ ਵਿਅਕਤੀ ਨੂੰ ਜੱਦੀ ਘਰ ਵਿੱਚ ਦਾਖ਼ਲ ਨਹੀਂ ਹੋਣ ਦਿੱਤਾ ਜਾ ਰਿਹਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਸਾਬਕਾ ਵਿਧਾਇਕ ਗੁਲਾਬ ਯਾਦਵ ਦੀ ਪਤਨੀ ਅੰਬਿਕਾ ਗੁਲਾਬ ਯਾਦਵ ਲੋਕਲ ਬਾਡੀ ਖੇਤਰ ਤੋਂ ਐਮ.ਐਲ.ਸੀ. ਉਨ੍ਹਾਂ ਦੀ ਬੇਟੀ ਬਿੰਦੂ ਗੁਲਾਬ ਯਾਦਵ ਜ਼ਿਲ੍ਹਾ ਪ੍ਰੀਸ਼ਦ ਦੀ ਪ੍ਰਧਾਨ ਹੈ। ਫਿਲਹਾਲ ਹਰ ਕੋਈ ਪਟਨਾ ‘ਚ ਮੌਜੂਦ ਹੈ। ਇੱਥੇ ਗੰਗਾਪੁਰ ਸਥਿਤ ਜੱਦੀ ਘਰ ਵਿੱਚ ਕੋਈ ਨਹੀਂ ਹੈ। ਇੱਥੇ ਦੋ-ਤਿੰਨ ਕੇਅਰਟੇਕਰ ਮੌਜੂਦ ਹਨ।