ਝੱਜਰ : ਪੈਰਾਲੰਪਿਕ ਵਿੱਚ ਦੇਸ਼ ਦਾ ਨਾਮ ਰੌਸ਼ਨ ਕਰਨ ਵਾਲੇ ਬੈਡਮਿੰਟਨ ਖਿਡਾਰੀ ਨਿਤੇਸ਼ ਕੁਮਾਰ (Badminton player Nitish Kumar) ਦਾ ਐਚ.ਐਲ ਸਿਟੀ ਵਿੱਚ ਨਿੱਘਾ ਸਵਾਗਤ ਕੀਤਾ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਨਿਤੇਸ਼ ਕੁਮਾਰ ਐਚ.ਐਲ ਸਿਟੀ ਦੀ ਸ਼ਾਈਨਿੰਗ ਸਟਾਰ ਬੈਡਮਿੰਟਨ ਅਕੈਡਮੀ ਵਿੱਚ ਸਿਖਲਾਈ ਲੈਂਦੇ ਹਨ ਅਤੇ ਐਨ.ਸੀ.ਆਰ ਵਨ ਸੋਸਾਇਟੀ ਵਿੱਚ ਰਹਿੰਦੇ ਹਨ।
ਪਹਿਲੀ ਵਾਰ ਆਪਣੀ ਅਕੈਡਮੀ ਪਹੁੰਚੇ ਨਿਤੇਸ਼ ਦਾ ਸਾਥੀ ਖਿਡਾਰੀਆਂ, ਕੋਚਾਂ ਅਤੇ ਅਕੈਡਮੀ ਸੰਚਾਲਕਾਂ ਵੱਲੋਂ ਨਿੱਘਾ ਸਵਾਗਤ ਕੀਤਾ ਗਿਆ। ਨਿਤੇਸ਼ ਦੀ ਪ੍ਰਾਪਤੀ ਤੋਂ ਬਹੁਤ ਖੁਸ਼ ਹੋ ਕੇ, ਐਚ.ਐਲ ਸਿਟੀ ਦੇ ਡਾਇਰੈਕਟਰ ਰਾਕੇਸ਼ ਜੂਨ ਨੇ ਅਕੈਡਮੀ ਦੇ ਸੈਂਕੜੇ ਖਿਡਾਰੀਆਂ ਦੀ ਇੱਕ ਮਹੀਨੇ ਦੀ ਫੀਸ, ਲਗਭਗ 37 (ਸਤੱਤੀ) ਲੱਖ ਰੁਪਏ ਮਾਫ਼ ਕਰ ਦਿੱਤੀ।
ਉਨ੍ਹਾਂ ਕਿਹਾ ਕਿ ਪੂਰੇ ਦੇਸ਼ ਨੂੰ ਨਿਤੇਸ਼ ਕੁਮਾਰ ‘ਤੇ ਮਾਣ ਹੈ ਅਤੇ ਉਨ੍ਹਾਂ ਦੀ ਪ੍ਰਾਪਤੀ ਤੋਂ ਪ੍ਰਭਾਵਿਤ ਹੋ ਕੇ ਅਕੈਡਮੀ ਦੇ ਖਿਡਾਰੀ ਦੇਸ਼ ਲਈ ਤਗਮੇ ਲੈ ਕੇ ਆਉਣਗੇ। ਦੱਸ ਦੇਈਏ ਕਿ ਨਿਤੇਸ਼ 2009 ਵਿੱਚ ਇੱਕ ਸੜਕ ਹਾਦਸੇ ਵਿੱਚ ਜ਼ਖਮੀ ਹੋ ਗਏ ਸੀ।
ਪਰ ਇਸ ਦੇ ਬਾਵਜੂਦ ਨਿਤੇਸ਼ ਨੇ ਕਦੇ ਹਿੰਮਤ ਨਹੀਂ ਹਾਰੀ ਅਤੇ ਪੈਰਾਬੈਡਮਿੰਟਨ ਖਿਡਾਰੀ ਵਜੋਂ ਦੇਸ਼ ਲਈ ਤਗਮੇ ਇਕੱਠੇ ਕਰਦੇ ਰਹੇ। ਨਿਤੇਸ਼ ਨੇ ਪੈਰਾਲੰਪਿਕ ਦੇ ਫਾਈਨਲ ਮੈਚ ‘ਚ ਬ੍ਰਿਟੇਨ ਦੇ ਡੈਨੀਅਲ ਨੂੰ ਹਰਾ ਕੇ ਸੋਨ ਤਮਗਾ ਜਿੱਤਿਆ ਹੈ।