ਮੁੰਬਈ : ਬਾਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਦੀ ਆਉਣ ਵਾਲੀ ਫਿਲਮ ‘ਡਾਨ 3’ (Film ‘Don 3’) ਦੀ ਸ਼ੂਟਿੰਗ ਜਨਵਰੀ 2025 ‘ਚ ਸ਼ੁਰੂ ਹੋ ਸਕਦੀ ਹੈ। ਬਾਲੀਵੁੱਡ ਫਿਲਮਕਾਰ ਫਰਹਾਨ ਅਖਤਰ ਆਪਣੀ ਸੁਪਰਹਿੱਟ ਫਿਲਮ ਡੌਨ ਦਾ ਤੀਜਾ ਸੰਸਕਰਣ ਬਣਾ ਰਹੇ ਹਨ। ਡੌਨ ਦੇ ਪਹਿਲੇ ਦੋ ਸੰਸਕਰਣਾਂ ਵਿੱਚ ਸ਼ਾਹਰੁਖ ਖਾਨ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਡੌਨ 3 ਵਿੱਚ ਰਣਵੀਰ ਸਿੰਘ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਰਣਵੀਰ ਸਿੰਘ ਦੇ ਨਾਲ ਕਿਆਰਾ ਅਡਵਾਨੀ ਹੈ।
ਦੱਸ ਦੇਈਏ ਕਿ ਰਣਵੀਰ ਸਿੰਘ ਜਲਦ ਹੀ ਫਿਲਮ ‘ਡਾਨ 3’ ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੇ ਹਨ। ਚਰਚਾ ਹੈ ਕਿ ਫਿਲਮ ‘ਡਾਨ 3’ ਦੀ ਸ਼ੂਟਿੰਗ 2025 ‘ਚ ਸ਼ੁਰੂ ਹੋ ਸਕਦੀ ਹੈ। ਕਿਆਰਾ ਇਸ ਸਮੇਂ ਰਿਤਿਕ ਰੋਸ਼ਨ ਅਤੇ ਜੂਨੀਅਰ ਐਨ.ਟੀ.ਆਰ ਨਾਲ ‘ਵਾਰ 2’ ਦੀ ਸ਼ੂਟਿੰਗ ‘ਚ ਰੁੱਝੀ ਹੋਈ ਹੈ, ਜਦਕਿ ਰਣਵੀਰ ਸਿੰਘ ਆਦਿਤਿਆ ਧਰ ਦੀ ਅਗਲੀ ਫਿਲਮ ‘ਤੇ ਕੰਮ ਕਰ ਰਹੇ ਹਨ। ਰਣਵੀਰ ਅਤੇ ਕਿਆਰਾ ਇਸ ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਜਨਵਰੀ ‘ਚ ਸ਼ੁਰੂ ਕਰਨਗੇ। ਦੱਸਿਆ ਜਾ ਰਿਹਾ ਹੈ ਕਿ ਡੌਨ 3 ‘ਚ ਰਣਵੀਰ ਸਿੰਘ ਅਤੇ ਕਿਆਰਾ ਅਡਵਾਨੀ ਬਿਲਕੁਲ ਵੱਖਰੇ ਅੰਦਾਜ਼ ‘ਚ ਨਜ਼ਰ ਆਉਣਗੇ।