ਫਲੋਰੀਡਾ : ਫਲੋਰੀਡਾ (Florida) ਵਿੱਚ ਇੱਕ ਛੋਟਾ ਜਹਾਜ਼ ਕਰੈਸ਼ (Small plane crash) ਹੋ ਗਿਆ, ਜਿਸ ਵਿੱਚ ਸਵਾਰ ਲੋਕ ਅਤੇ ਇੱਕ ਘਰ ਵਿੱਚ ਬੈਠੇ ਕੁਝ ਲੋਕਾਂ ਦੀ ਮੌਤ ਹੋ ਗਈ। ਇਸ ਦੀ ਸੂਚਨਾ ਫਾਇਰ ਬ੍ਰਿਗੇਡ ਨੂੰ ਦਿੱਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਸਿੰਗਲ-ਇੰਜਣ ਵਾਲੇ ਜਹਾਜ਼ ਬੀਚਕ੍ਰਾਫਟ ਬੋਨਾਂਜ਼ਾ ਵੀ35 ਦੇ ਪਾਇਲਟ ਨੇ ਕਰੈਸ਼ ਹੋਣ ਤੋਂ ਪਹਿਲਾਂ ਖਰਾਬੀ ਦੀ ਸੂਚਨਾ ਦਿੱਤੀ ਸੀ। ਇਹ ਜਹਾਜ਼ ਇੱਥੇ ‘ਬੇਸਾਈਡ ਵਾਟਰਸ ਪਾਰਕ’ ‘ਚ ਸ਼ਾਮ 7 ਵਜੇ ਕਰੈਸ਼ ਹੋਇਆ।
ਕਲੀਅਰਵਾਟਰ ਫਾਇਰ ਚੀਫ ਸਕਾਟ ਏਹਲਰਸ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਜਹਾਜ਼ ਪਹਿਲਾਂ ਇੱਕ ਘਰ ਨਾਲ ਟਕਰਾਇਆ, ਜਿਸ ਕਾਰਨ ਲੱਗੀ ਅੱਗ ਨਾਲ ਘੱਟੋ-ਘੱਟ 3 ਹੋਰ ਘਰ ਨੁਕਸਾਨੇ ਗਏ। ਉਨ੍ਹਾਂ ਨੇ ਇਹ ਜਾਣਕਾਰੀ ਨਹੀਂ ਦਿੱਤੀ ਕਿ ਕਿੰਨੇ ਲੋਕ ਮਾਰੇ ਗਏ ਹਨ। ਉਨ੍ਹਾਂ ਨੇ ਸਿਰਫ ਇੰਨਾ ਹੀ ਕਿਹਾ ਕਿ ਜਹਾਜ਼ ਵਿਚ ਸਵਾਰ ਅਤੇ ਇਕ ਘਰ ਵਿਚ ਮੌਜੂਦ ਕੁਝ ਲੋਕ ਮਾਰੇ ਗਏ ਹਨ।
