ਅਯੁੱਧਿਆ : ਬਾਲੀਵੁੱਡ ਤੋਂ ਹਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ (Priyanka Chopra) ਅਤੇ ਨਿਕ ਜੋਨਸ ਰਾਮ ਲੱਲਾ ਦੇ ਦਰਸ਼ਨਾਂ ਲਈ ਅਯੁੱਧਿਆ (Ayodhya) ‘ਚ ਹਨ। ਉਨ੍ਹਾਂ ਦੇ ਨਾਲ ਉਨ੍ਹਾਂ ਦੀ ਬੇਟੀ ਮਾਲਤੀ ਮੈਰੀ ਵੀ ਸੀ। ਤਿੰਨਾਂ ਨੂੰ ਸੁਰੱਖਿਆ ਘੇਰੇ ਵਿਚ ਅਯੁੱਧਿਆ ਹਵਾਈ ਅੱਡੇ ‘ਤੇ ਉਨ੍ਹਾਂ ਦੀ ਕਾਰ ਵਿਚ ਲਿਜਾਇਆ ਗਿਆ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਰਾਮ ਲੱਲਾ ਦੇ ਦਰਸ਼ਨ ਕੀਤੇ।
ਅਯੁੱਧਿਆ ‘ਚ ਰਾਮ ਮੰਦਰ ਦੀ ਯਾਤਰਾ ਦੌਰਾਨ ਪ੍ਰਿਅੰਕਾ ਪੀਲੇ ਰੰਗ ਦੀ ਸਾੜੀ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਗੁਲਾਬੀ ਰੰਗ ਵਿੱਚ ਮਾਲਤੀ ਬਹੁਤ ਸੋਹਣੀ ਲਗ ਰਹੀ ਸੀ। ਨਿਕ ਨੇ ਆਪਣੀ ਪਤਨੀ ਅਤੇ ਬੇਟੀ ਨਾਲ ਮੰਦਰ ਦੇ ਦਰਸ਼ਨਾਂ ਲਈ ਕੁਰਤਾ ਪਹਿਨਿਆ ਸੀ।
ਦੱਸ ਦੇਈਏ ਕਿ 22 ਜਨਵਰੀ 2024 ਨੂੰ ਜਦੋਂ ਰਾਮ ਮੰਦਰ ਦਾ ਉਦਘਾਟਨ ਹੋਇਆ ਸੀ ਤਾਂ ਅਦਾਕਾਰਾ ਸ਼ਹਿਰ ਵਿੱਚ ਨਹੀਂ ਸੀ। ਹੁਣ ਜਦੋਂ ਉਹ ਭਾਰਤ ਪਰਤੀ ਤਾਂ ਰਾਮ ਲੱਲਾ ਦਾ ਆਸ਼ੀਰਵਾਦ ਲੈਣ ਅਯੁੱਧਿਆ ਪਹੁੰਚ ਗਈ। ਮੰਦਰ ਦੇ ਪੁਜਾਰੀ ਪ੍ਰਦੀਪ ਦਾਸ ਨੇ ਪ੍ਰਿਅੰਕਾ, ਨਿਕ ਅਤੇ ਮਾਲਤੀ ਦੀਆਂ ਕਈ ਅੰਦਰੂਨੀ ਤਸਵੀਰਾਂ ਪੋਸਟ ਕੀਤੀਆਂ ਹਨ। ਅਭਿਨੇਤਰੀ ਪ੍ਰਿਅੰਕਾ ਚੋਪੜਾ, ਪਤੀ ਗਾਇਕ ਨਿਕ ਜੋਨਸ ਅਤੇ ਉਨ੍ਹਾਂ ਦੀ ਧੀ ਮਾਲਤੀ ਮੈਰੀ ਜੋਨਸ ਨੇ ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ ਵਿੱਚ ਰਾਮ ਜਨਮ ਭੂਮੀ ਮੰਦਰ ਵਿੱਚ ਪੂਜਾ ਕੀਤੀ।
ਰਾਮ ਮੰਦਰ ਦਾ ਉਦਘਾਟਨ ਭਾਰਤ ਦੇ ਇਤਿਹਾਸ ਵਿੱਚ ਇੱਕ ਮਹੱਤਵਪੂਰਨ ਦਿਨ ਹੈ। ਇਸ ਈਵੈਂਟ ‘ਚ ਅਮਿਤਾਭ ਬੱਚਨ, ਆਯੁਸ਼ਮਾਨ ਖੁਰਾਨਾ, ਕੰਗਨਾ ਰਣੌਤ, ਵਿੱਕੀ ਕੌਸ਼ਲ, ਕੈਟਰੀਨਾ ਕੈਫ, ਰਣਬੀਰ ਕਪੂਰ, ਆਲੀਆ ਭੱਟ, ਮਾਧੁਰੀ ਦੀਕਸ਼ਿਤ ਅਤੇ ਕਈ ਹੋਰ ਬਾਲੀਵੁੱਡ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਇਸ ਦੌਰਾਨ ਪ੍ਰਿਅੰਕਾ ਚੋਪੜਾ 15 ਮਾਰਚ ਨੂੰ ਮਾਲਤੀ ਨਾਲ ਮੁੰਬਈ ਪਹੁੰਚੀ। ਉਹ ਪਹਿਲਾਂ ਬੁਲਗਾਰੀ ਪ੍ਰੋਗਰਾਮ ਵਿੱਚ ਦਿਖਾਈ ਦਿੱਤੀ ਅਤੇ ਬਾਅਦ ਵਿੱਚ ਪ੍ਰਾਈਮ ਵੀਡੀਓ ਦੀ ਰਿਲੀਜ਼ ਸੂਚੀ ਦਾ ਹਿੱਸਾ ਬਣ ਗਈ। ਖਬਰਾਂ ਮੁਤਾਬਕ, ਅਭਿਨੇਤਾ ਹੋਲੀ ਤੱਕ ਭਾਰਤ ‘ਚ ਰਹਿਣਗੇ।