ਸਪੋਰਟਸ ਡੈਸਕ : ਭਾਰਤ ਦਾ ਪੈਰਿਸ ਓਲੰਪਿਕ (Paris Olympics) ‘ਚ ਮੈਡਲ ਖਾਤਾ ਖੁੱਲ੍ਹ ਗਿਆ ਹੈ। 22 ਸਾਲਾ ਮਹਿਲਾ ਨਿਸ਼ਾਨੇਬਾਜ਼ ਮਨੂ ਭਾਕਰ ਨੇ ਦੇਸ਼ ਨੂੰ ਇਸ ਓਲੰਪਿਕ ਵਿੱਚ ਪਹਿਲਾ ਤਮਗਾ ਦਿਵਾਇਆ। ਭਾਰਤੀ ਨਿਸ਼ਾਨੇਬਾਜ਼ ਤੀਜੇ ਦਿਨ ਵੀ ਤਗਮੇ ਜਿੱਤ ਸਕਦੇ ਹਨ। ਅਰਜੁਨ ਬਬੂਟਾ ਅਤੇ ਰਮਿਤਾ ਜਿੰਦਲ (Arjun Babuta and Ramita Jindal) ਫਾਈਨਲ ਵਿੱਚ ਪਹੁੰਚ ਗਏ ਹਨ। ਦੋਵੇਂ ਨਿਸ਼ਾਨੇਬਾਜ਼ ਸੋਮਵਾਰ ਯਾਨੀ ਅੱਜ ਫਾਈਨਲ ਲਈ ਰੇਂਜ ਵਿੱਚ ਪ੍ਰਵੇਸ਼ ਕਰਨਗੇ। ਇਸ ਦਿਨ ਭਾਰਤੀ ਅਥਲੀਟ ਕਈ ਈਵੈਂਟਸ ਵਿੱਚ ਹਿੱਸਾ ਲੈਣਗੇ।
ਪੁਰਸ਼ਾਂ ਦੇ ਡਬਲਜ਼ ਬੈਡਮਿੰਟਨ ਗਰੁੱਪ ਪੜਾਅ ਦੇ ਮੈਚ ਵਿੱਚ ਸਾਤਵਿਕਸਾਈਰਾਜ ਰੈਂਕੀਰੈੱਡੀ ਅਤੇ ਚਿਰਾਗ ਸ਼ੈਟੀ ਬਨਾਮ ਮਾਰਕ ਲੈਮਸਫਸ ਅਤੇ ਮਾਰਵਿਨ ਸੀਡੇਲ ਦੁਪਹਿਰ 12 ਵਜੇ ਤੋਂ ਕੋਰਟ ‘ਤੇ ਉਤਰਨਗੇ, ਜਦਕਿ ਮਹਿਲਾ ਡਬਲਜ਼ ਗਰੁੱਪ ਪੜਾਅ ਵਿੱਚ ਅਸ਼ਵਿਨੀ ਪੋਨੱਪਾ ਅਤੇ ਤਨੀਸ਼ਾ ਕ੍ਰਾਸਟੋ ਬਨਾਮ ਨਾਮੀ ਮਾਤਸੁਯਾਮਾ ਅਤੇ ਚਿਹਾਰੂ ਸ਼ਿਦਾ ਦੀ ਜੋੜੀ ਦੁਪਹਿਰ 12:50 ਵਜੇ ਤੋਂ ਆਪਣਾ ਮੈਚ ਖੇਡੇਗੀ। ਪੁਰਸ਼ ਸਿੰਗਲਜ਼ ਗਰੁੱਪ ਗੇੜ ਵਿੱਚ ਲਕਸ਼ਯ ਸੇਨ ਬਨਾਮ ਜੂਲੀਅਨ ਕੈਰੇਜੀ ਦਾ ਮੈਚ ਸ਼ਾਮ 5:30 ਵਜੇ ਤੋਂ ਖੇਡਿਆ ਜਾਵੇਗਾ।
ਸ਼ੂਟਿੰਗ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਕੁਆਲੀਫਿਕੇਸ਼ਨ ਵਿੱਚ ਮਨੂ ਭਾਕਰ ਅਤੇ ਸਰਬਜੋਤ ਸਿੰਘ, ਰਿਦਮ ਸਾਂਗਵਾਨ ਅਤੇ ਅਰਜੁਨ ਸਿੰਘ ਚੀਮਾ ਦੁਪਹਿਰ 12:45 ਵਜੇ ਤੋਂ ਦਿਖਾਈ ਦੇਣਗੇ, ਜਦੋਂ ਕਿ ਪੁਰਸ਼ਾਂ ਦੇ ਟਰੈਪ ਕੁਆਲੀਫਿਕੇਸ਼ਨ ਵਿੱਚ ਪ੍ਰਿਥਵੀਰਾਜ ਟੋਂਡੇਮਨ ਦੁਪਹਿਰ 1:00 ਵਜੇ ਤੋਂ ਦਿਖਾਈ ਦੇਣਗੇ। 10 ਮੀਟਰ ਏਅਰ ਰਾਈਫਲ ਮਹਿਲਾ ਫਾਈਨਲ ਵਿੱਚ ਰਮਤਾ ਜਿੰਦਲ ਦੁਪਹਿਰ 1 ਵਜੇ ਪ੍ਰਵੇਸ਼ ਕਰੇਗੀ। 10 ਮੀਟਰ ਏਅਰ ਰਾਈਫਲ ਪੁਰਸ਼ਾਂ ਦੇ ਫਾਈਨਲ ਵਿੱਚ ਅਰਜੁਨ ਬਬੂਟਾ ਦੁਪਹਿਰ 3:30 ਵਜੇ ਤੋਂ ਐਕਸ਼ਨ ਵਿੱਚ ਹੋਣਗੇ।
ਹਾਕੀ ਵਿੱਚ ਪੁਰਸ਼ਾਂ ਦੇ ਪੂਲ ਬੀ ਵਿੱਚ ਭਾਰਤ ਬਨਾਮ ਅਰਜਨਟੀਨਾ ਮੈਚ ਸ਼ਾਮ 4:15 ਵਜੇ ਤੋਂ ਖੇਡਿਆ ਜਾਵੇਗਾ। ਟੇਬਲ ਟੈਨਿਸ ਵਿੱਚ ਮਹਿਲਾ ਸਿੰਗਲਜ਼ ਰਾਊਂਡ ਆਫ 32 ਵਿੱਚ ਸ਼੍ਰੀਜਾ ਅਕੁਲਾ ਬਨਾਮ ਜਿਆਨ ਜ਼ੇਂਗ ਦਾ ਮੈਚ ਰਾਤ 11:30 ਵਜੇ ਹੋਵੇਗਾ, ਜਦੋਂ ਕਿ ਤੀਰਅੰਦਾਜ਼ੀ ਵਿੱਚ ਪੁਰਸ਼ ਟੀਮ ਕੁਆਰਟਰ ਫਾਈਨਲ ਵਿੱਚ ਤਰੁਣਦੀਪ ਰਾਏ, ਧੀਰਜ ਬੋਮਾਦੇਵਰਾ, ਪ੍ਰਵੀਨ ਜਾਧਵ ਸ਼ਾਮ 6:30 ਵਜੇ ਤੋਂ ਦਿਖਾਈ ਦੇਣਗੇ।