ਜਲੰਧਰ : ਨਗਰ ਨਿਗਮ ਦੇ ਕਲਰਕ ਦੇ ਘਰ ਛਾਪੇਮਾਰੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਮੁਤਾਬਕ ਐਂਟੀ ਨਾਰਕੋਟਿਕਸ ਟਾਸਕ ਫੋਰਸ (Anti-Narcotics Task Force) (ਏ.ਐੱਨ.ਟੀ.ਐੱਫ.) ਅਤੇ ਆਈ.ਬੀ ਨੇ ਡਰੱਗ ਗਠਜੋੜ ਨੂੰ ਲੈ ਕੇ ਨਗਰ ਨਿਗਮ ਦੇ ਕਲਰਕ ਦੇ ਘਰ ਛਾਪਾ ਮਾਰਿਆ ਹੈ। ਦੱਸ ਦਈਏ ਕਿ ਮਾਡਲ ਟਾਊਨ ਸਥਿਤ ਰੈਡ ਕਾਰਪੋਰੇਸ਼ਨ ਦੇ ਕਲਰਕ ਰਿੰਕੂ ਥਾਪਰ ਦੇ ਸਰਕਾਰੀ ਘਰ ‘ਚ ਸਵੇਰੇ 4:30 ਤੋਂ 11 ਵਜੇ ਤੱਕ ਇਹ ਵਾਰਦਾਤ ਕੀਤੀ ਗਈ।
ਏ.ਟੀ.ਐਫ ਨੇ ਕਲਰਕ ਰਿੰਕੂ ਦੇ ਨਾਲ ਉਨ੍ਹਾਂ ਦੇ ਜੀਜਾ ਭਰਤ ਉਰਫ ਭਾਨੂ, ਅੰਕੁਸ਼ ਭੱਟੀ ਵਾਸੀ ਅੰਮ੍ਰਿਤਸਰ, ਪ੍ਰਥਮ ਅਤੇ ਦਿਵਯਮ ਵਾਸੀ ਅਬਾਦਪੁਰਾ ਨੂੰ ਗ੍ਰਿਫਤਾਰ ਕੀਤਾ ਹੈ। ਲਵਪ੍ਰੀਤ ਸਿੰਘ ਉਰਫ ਲਵੀ ਵਾਸੀ ਅੰਮ੍ਰਿਤਸਰ, ਵਿਸ਼ਾਲ ਵਾਸੀ ਤਰਨਤਾਰਨ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ। ਛਾਪੇਮਾਰੀ ਦੌਰਾਨ ਅੰਮ੍ਰਿਤਸਰ ਤੋਂ 2 ਪਿਸਤੌਲ, 36 ਜਿੰਦਾ ਕਾਰਤੂਸ, 2 ਨੋਟ ਗਿਣਨ ਵਾਲੀਆਂ ਮਸ਼ੀਨਾਂ, 42 ਲੱਖ ਦੀ ਨਕਦੀ ਅਤੇ 1 ਕਿਲੋ ਿਚਟਾ ਬਰਾਮਦ ਹੋਇਆ, ਜਿਸ ਦੀ ਅਧਿਕਾਰਤ ਤੌਰ ‘ਤੇ ਪੁਸ਼ਟੀ ਨਹੀਂ ਹੋਈ। ਜੇਕਰ ਉਕਤ ਕਲਰਕ ਦੇ ਘਰ ਛਾਪੇਮਾਰੀ ਦੀ ਗੱਲ ਕਰੀਏ ਤਾਂ ਇਸ ਦੌਰਾਨ 25 ਤੋਲੇ ਸੋਨੇ ਦੇ ਗਹਿਣੇ, 6 ਲੱਖ ਰੁਪਏ ਦੀ ਡਰੱਗ ਮਨੀ, 381 ਗ੍ਰਾਮ ਹਸ਼ੀਸ਼, ਗਲੋਕ ਪਿਸਤੌਲ, 18 ਕਾਰਤੂਸ ਅਤੇ 7 ਏ.ਟੀ.ਐੱਮ. ਜਬਤ ਕੀਤਾ ਗਿਆ ਹੈ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਆਈ.ਬੀ. ਦੇ ਇਨਪੁਰ ਵਿਖੇ ਏ.ਐਨ.ਟੀ.ਐਫ ਨਾਲ ਮਿਲ ਕੇ ਇੱਕ ਸਾਂਝਾ ਆਪਰੇਸ਼ਨ ਚਲਾਇਆ ਗਿਆ। ਪਹਿਲਾਂ ਅੰਮ੍ਰਿਤਸਰ ‘ਚ ਛਾਪੇਮਾਰੀ ਕੀਤੀ ਗਈ, ਜਿਸ ਦੌਰਾਨ ਲਵ ਦੇ ਘਰ ਛਾਪਾ ਮਾਰਿਆ ਗਿਆ ਅਤੇ ਉਸ ਦੇ 3 ਸਾਥੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਇਸ ਦੌਰਾਨ ਸਾਹਮਣੇ ਆਇਆ ਕਿ ਇਹ ਸਾਰਾ ਮਾਮਲਾ ਜਲੰਧਰ ਨਾਲ ਜੁੜਿਆ ਹੋਇਆ ਹੈ। ਜਿਸ ਤੋਂ ਬਾਅਦ ਤੜਕੇ ਨਗਰ ਨਿਗਮ ਦੇ ਕਲਰਕ ਦੇ ਘਰ ਛਾਪਾ ਮਾਰਿਆ ਗਿਆ। ਇਸ ਦੌਰਾਨ ਟੀਮ ਰਿੰਕੂ ਦੀ ਪਤਨੀ ਦੇ ਗਹਿਣੇ ਵੀ ਲੈ ਗਈ। ਰਿੰਕੂ ਦੀ ਪਤਨੀ ਨੇ ਵਾਰ-ਵਾਰ ਕਿਹਾ ਕਿ ਗਹਿਣੇ ਉਸ ਦੇ ਹਨ, ਫਿਰ ਵੀ ਟੀਮ ਨੇ ਉਸ ਦੀ ਗੱਲ ਨਹੀਂ ਸੁਣੀ। ਦੱਸਿਆ ਜਾ ਰਿਹਾ ਹੈ ਕਿ ਕਲਰਕ ‘ਤੇ ਦੋਸ਼ ਹੈ ਕਿ ਉਸ ਦਾ ਜੀਜਾ ਭਾਨੂ ਆਪਣੇ ਗਰੋਹ ਨਾਲ ਮਿਲ ਕੇ ਜਲੰਧਰ ਅਤੇ ਅੰਮ੍ਰਿਤਸਰ ‘ਚ ਹਰ ਤਰ੍ਹਾਂ ਦਾ ਨਸ਼ਾ ਵੇਚਦਾ ਸੀ।