ਜਲੰਧਰ : ਹੁਣੇ ਹੁਣੇ ਜਲੰਧਰ (Jalandhar) ਤੋਂ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਦਰਅਸਲ ਹਾਲ ਹੀ ‘ਚ ਆਬਾਦਪੁਰਾ (Abadpur) ‘ਚ ਸੀ.ਆਈ.ਏ. ਸਟਾਫ਼ ਅਤੇ ਬਦਮਾਸ਼ਾਂ ਵਿਚਾਲੇ ਹੋਈ ਕਰਾਸ ਫਾਇਰਿੰਗ ਕਾਰਨ ਹਸਪਤਾਲ ‘ਚ ਇਲਾਜ ਅਧੀਨ ਗੈਂਗਸਟਰ ਨੀਰਜ ਦੀ ਮੌਤ ਹੋ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਗੈਂਗਸਟਰ ਨੀਰਜ ਨੂੰ ਗੋਲੀ ਨਹੀਂ ਲੱਗੀ, ਉਸ ਨੇ ਛੱਤ ਤੋਂ ਛਾਲ ਮਾਰ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਪੁਲਿਸ ਨੇ ਉਸ ਨੂੰ ਜ਼ਖਮੀ ਹਾਲਤ ‘ਚ ਫੜ ਲਿਆ ਸੀ।
ਦੱਸ ਦਈਏ ਕਿ ਸੀ.ਆਈ.ਏ ਆਬਾਦਪੁਰਾ ਵਿੱਚ ਲੁੱਟ-ਖੋਹ ਅਤੇ ਹੋਰ ਮਾਮਲਿਆਂ ਵਿੱਚ ਲੋੜੀਂਦੇ ਮੁਲਜ਼ਮ ਚਿੰਟੂ ਨੂੰ ਗ੍ਰਿਫ਼ਤਾਰ ਕਰਨ ਗਈ ਸੀ। ਦੋਸ਼ੀ ਪੱਖ ਨੇ ਸਟਾਫ ਟੀਮ ‘ਤੇ ਗੋਲੀਬਾਰੀ ਕੀਤੀ ਸੀ, ਜਦਕਿ ਸੀ.ਆਈ.ਏ ਕਰਾਸ ਫਾਇਰ ਕਰ ਰਿਹਾ ਸੀ। ਸਟਾਫ਼ ਦੀ ਟੀਮ ਨੇ ਚਿੰਟੂ ਸਮੇਤ 4 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ।