ਨਵੀਂ ਦਿੱਲੀ : ਦਿੱਲੀ ਦੇ ਅੰਤਰਰਾਸ਼ਟਰੀ ਹਵਾਈ ਅੱਡੇ (Delhi International Airport) ‘ਤੇ ਅੱਜ ਅੰਮ੍ਰਿਤਸਰ ਤੋਂ ਇਕ ਫਲਾਈਟ ਉਤਰਨ ਤੋਂ ਬਾਅਦ ਟੈਕਸੀਵੇਅ ਪਾਰ ਕਰ ਗਈ। ਇਸ ਹਾਦਸੇ ਤੋਂ ਬਾਅਦ ਰਨਵੇਅ ਨੂੰ 15 ਮਿੰਟ ਲਈ ਜਾਮ ਕਰ ਦਿੱਤਾ ਗਿਆ।
ਨਿਊਜ਼ ਏਜੰਸੀ ਦੇ ਇਨਪੁਟ ਮੁਤਾਬਕ ਅੱਜ ਅੰਮ੍ਰਿਤਸਰ ਤੋਂ ਦਿੱਲੀ ਦੇ ਆਈਜੀਆਈ ‘ਤੇ ਉਤਰਨ ਤੋਂ ਬਾਅਦ ਇੰਡੀਗੋ ਦਾ ਜਹਾਜ਼ ਟੈਕਸੀਵੇਅ ਨੂੰ ਪਾਰ ਕਰ ਗਿਆ। ਸੂਤਰ ਮੁਤਾਬਕ ਏ320 ਜਹਾਜ਼ ਰਨਵੇਅ 28/10 ਦੇ ਆਖਰੀ ਛੋਰ ‘ਤੇ ਚਲਾ ਗਿਆ। ਘਟਨਾ ਤੋਂ ਬਾਅਦ ਕੁਝ ਸਮੇਂ ਲਈ ਫਲਾਈਟ ਆਪਰੇਸ਼ਨ ਰੋਕ ਦਿੱਤਾ ਗਿਆ ਸੀ।
ਟੋਇੰਗ ਵੈਗ ਦੁਆਰਾ ਪਾਰਕਿੰਗ ਬੇ ਤੱਕ ਪਹੁੰਚਿਆ ਜਹਾਜ਼
ਬਾਅਦ ਵਿੱਚ, ਇੱਕ ਇੰਡੀਗੋ ਟੋਇੰਗ ਵੈਨ ਜਹਾਜ਼ ਨੂੰ ਰਨਵੇਅ ਦੇ ਸਿਰੇ ਤੋਂ ਪਾਰਕਿੰਗ ਬੇ ਤੱਕ ਲੈ ਗਿਆ। ਹਾਲਾਂਕਿ ਅਜੇ ਇਸ ਘਟਨਾ ‘ਤੇ ਹਵਾਬਾਜ਼ੀ ਕੰਪਨੀ ਇੰਡੀਗੋ ਨੇ ਤੱਕ ਆਪਣਾ ਪੱਖ ਨਹੀਂ ਦਿੱਤਾ ਹੈ। IGI ਦੇਸ਼ ਦਾ ਸਭ ਤੋਂ ਵੱਡਾ ਹਵਾਈ ਅੱਡਾ ਹੈ, ਜੋ ਰੋਜ਼ਾਨਾ ਲਗਭਗ 1,400 ਉਡਾਣਾਂ ਦਾ ਸੰਚਾਲਨ ਕਰਦਾ ਹੈ। IGI ਵਿਖੇ ਚਾਰ ਸੰਚਾਲਨ ਰਨਵੇ ਹਨ।
ਇਸ ਤੋਂ ਪਹਿਲਾਂ 31 ਜਨਵਰੀ ਨੂੰ ਇੰਡੀਗੋ ਵੱਲੋਂ ਝਾਰਖੰਡ ਦੇ ਦੇਵਘਰ ਲਈ ਉਡਾਣ ਰੱਦ ਕਰਨ ਤੋਂ ਬਾਅਦ ਯਾਤਰੀਆਂ ਨੇ ਵਿਰੋਧ ਪ੍ਰਦਰਸ਼ਨ ਦੇ ਸਮੇਂ ਦਿੱਲੀ ਹਵਾਈ ਅੱਡੇ ‘ਤੇ ਉਦੋਂ ਹੰਗਾਮਾ ਹੋ ਗਿਆ ਸੀ । ਯਾਤਰੀਆਂ ਨੇ ਏਅਰਲਾਈਨਜ਼ ਦੇ ਅਚਾਨਕ ਲਏ ਫ਼ੈਸਲੇ ‘ਤੇ ਸਵਾਲ ਚੁੱਕਦੇ ਹੋਏ ਕੰਪਨੀ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ ਸੀ।