ਆਸਟ੍ਰੇਲੀਆ: ਆਸਟ੍ਰੇਲੀਆ ਵਿੱਚ ‘ਓਵਰਸੀਜ਼ ਫਰੈਂਡਜ਼ ਆਫ ਬੀਜੇਪੀ’ ਨੇ ਕਮਿਊਨਿਟੀ ਮੈਂਬਰਾਂ ਲਈ ‘ਮੋਦੀ ਫਾਰ 2024’ (Modi for 2024) ਸਿਰਲੇਖ ਨਾਲ ਇੱਕ ਮੁਹਿੰਮ ਸ਼ੁਰੂ ਕੀਤੀ, ਜਿਸ ਵਿੱਚ ਦੇਸ਼ ਦੇ ਸੱਤ ਵੱਡੇ ਸ਼ਹਿਰਾਂ ਅਤੇ ਮਹੱਤਵਪੂਰਨ ਸਥਾਨਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ, ਇਸ ਮੁਹਿੰਮ ਦਾ ਉਦੇਸ਼ ਭਾਰਤ ਵਿੱਚ ਲੋਕ ਸਭਾ ਚੋਣਾਂ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਅਤੇ ਭਾਜਪਾ ਦੀ ਅਗਵਾਈ ਵਾਲੀ ਐਨਡੀਏ ਲਈ ਵਿਦੇਸ਼ੀ ਸਮਰਥਨ ਹਾਸਲ ਕਰਨਾ ਹੈ।
ਓਵਰਸੀਜ਼ ਫਰੈਂਡਜ਼ ਆਫ ਬੀਜੇਪੀ ਆਸਟ੍ਰੇਲੀਆ ਨੇ ਸਿਡਨੀ ਹਾਰਬਰ ਬ੍ਰਿਜ, ਮੈਲਬੋਰਨ ਕ੍ਰਿਕੇਟ ਗਰਾਊਂਡ, ਪਰਥ ਓਪਟਸ ਸਟੇਡੀਅਮ, ਬ੍ਰਿਸਬੇਨ ਜੀਏਬੀਬੀਏ, ਗੋਲਡ ਕੋਸਟ ਵਿੱਚ ਸਰਫਰਸ ਪੈਰਾਡਾਈਜ਼, ਕੈਨਬਰਾ ਵਿੱਚ ਮਾਊਂਟ ਆਇਨਸਲੀ ਅਤੇ ਐਡੀਲੇਡ ਵਿੱਚ ਨੇਵਲ ਮੈਮੋਰੀਅਲ ਗਾਰਡਨ ਵਰਗੇ ਪ੍ਰਸਿੱਧ ਸਥਾਨਾਂ ਤੋਂ ਇੱਕ ਵੱਡੀ ਮੁਹਿੰਮ ਸ਼ੁਰੂ ਕੀਤੀ ਹੈ। ਆਸਟ੍ਰੇਲੀਆ ਦੇ ਵੱਖ-ਵੱਖ ਸ਼ਹਿਰਾਂ ‘ਚ ਵਿਕਾਸ ਨੀਤੀਆਂ ਨੂੰ ਭਾਰੀ ਸਮਰਥਨ ਮਿਲਿਆ, ਲੋਕਾਂ ਨੇ ਖੁਦ ਨੂੰ ਮੋਦੀ ਪਰਿਵਾਰ ਦਾ ਹਿੱਸਾ ਦੱਸਿਆ। ਇਸ ਤੋਂ ਪਹਿਲਾਂ ਭਾਜਪਾ ਬ੍ਰੀਟੇਨ ਦੇ ਓਵਰਸੀਜ਼ ਫਰੈਂਡਜ਼ ਨੇ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਮੋਦੀ ਅਤੇ ਕੇਂਦਰ ਦੀ ਸੱਤਾਧਾਰੀ ਪਾਰਟੀ ਨੂੰ ਅਟੁੱਟ ਸਮਰਥਨ ਦਿਖਾਉਣ ਲਈ ਲੰਡਨ ਵਿੱਚ ਇੱਕ ਕਾਰ ਰੈਲੀ ਦਾ ਆਯੋਜਨ ਕੀਤਾ ਸੀ।