ਆਂਧਰਾ ਪ੍ਰਦੇਸ਼ : ਆਂਧਰਾ ਪ੍ਰਦੇਸ਼ (Andhra Prades) ਦੇ ਪੂਰਬੀ ਗੋਦਾਵਰੀ (East Godavari) ਜ਼ਿਲ੍ਹੇ ‘ਚ 7 ਕਰੋੜ ਰੁਪਏ ਦੀ ਨਕਦੀ ਜ਼ਬਤ ਕੀਤੀ ਗਈ ਹੈ। ਜਾਣਕਾਰੀ ਮੁਤਾਬਕ ਨਲਾਜਾਰਲਾ ਮੰਡਲ (Nalajarla mandal) ਦੇ ਅਨੰਤਪੱਲੀ (Ananthapalli) ‘ਚ ਇਕ ਗੱਡੀ ਲਾਰੀ ਨਾਲ ਟਕਰਾ ਕੇ ਪਲਟ ਗਈ। ਸਥਾਨਕ ਲੋਕਾਂ ਨੇ ਦੇਖਿਆ ਕਿ ਉਸ ਗੱਡੀ ‘ਚ 7 ਗੱਤੇ ਦੇ ਡੱਬੇ ਨਕਦੀ ਨਾਲ ਭਰੇ ਹੋਏ ਸਨ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ।
ਦੱਸਿਆ ਜਾ ਰਿਹਾ ਹੈ ਕਿ ਗੱਡੀ ਵਿਜੇਵਾੜਾ ਤੋਂ ਵਿਸ਼ਾਖਾਪਟਨਮ ਜਾ ਰਹੀ ਸੀ। ਪਲਟਣ ਵਾਲੇ ਵਾਹਨ ਦੇ ਡਰਾਈਵਰ ਨੂੰ ਸੱਟਾਂ ਲੱਗੀਆਂ ਅਤੇ ਉਸ ਨੂੰ ਇਲਾਜ ਲਈ ਗੋਪਾਲਪੁਰਮ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ।