ਨਵੀਂ ਦਿੱਲੀ: ਟੈਸਟ ਅਤੇ ਵਨਡੇ ਤੋਂ ਬਾਅਦ ਭਾਰਤੀ ਟੀਮ ਦੀਆਂ ਨਜ਼ਰਾਂ ਟੀ-20 ਸੀਰੀਜ਼ ‘ਤੇ ਟਿਕੀਆਂ ਹੋਈਆਂ ਹਨ। ਵੈਸਟਇੰਡੀਜ਼ ਖ਼ਿਲਾਫ਼ 5 ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਮੈਚ ਰਾਤ 8 ਵਜੇ ਤੋਂ ਤ੍ਰਿਨੀਦਾਦ (ਪੋਰਟ ਆਫ ਸਪੇਨ) ‘ਚ ਖੇਡਿਆ ਜਾਵੇਗਾ। ਇਹ ਭਾਰਤ ਦਾ 200ਵਾਂ ਅੰਤਰਰਾਸ਼ਟਰੀ ਟੀ-20 ਮੈਚ ਹੈ। ਭਾਰਤ 200 ਟੀ-20 ਖੇਡਣ ਵਾਲਾ ਦੂਜਾ ਦੇਸ਼ ਬਣ ਜਾਵੇਗਾ। ਇਸ ਤੋਂ ਪਹਿਲਾਂ ਪਾਕਿਸਤਾਨ ਨੇ 200 ਮੈਚ ਪੂਰੇ ਕੀਤੇ ਹਨ। ਪਾਕਿਸਤਾਨ ਨੇ ਹੁਣ ਤੱਕ ਕੁੱਲ 223 ਅੰਤਰਰਾਸ਼ਟਰੀ ਟੀ-20 ਮੈਚ ਖੇਡੇ ਹਨ। ਇਹ ਸੀਰੀਜ਼ 2024 ਵਿਸ਼ਵ ਕੱਪ ਦੇ ਲਿਹਾਜ਼ ਨਾਲ ਭਾਰਤ ਲਈ ਮਹੱਤਵਪੂਰਨ ਹੋਵੇਗੀ ਕਿਉਂਕਿ ਇੱਥੇ 2024 ਦਾ ਟੀ-20 ਵਿਸ਼ਵ ਕੱਪ ਖੇਡਿਆ ਜਾਣਾ ਹੈ।
IPL ਸਿਤਾਰਿਆਂ ਨੂੰ ਮਿਲ ਸਕਦਾ ਹੈ ਮੌਕਾ
ਵੈਸਟਇੰਡੀਜ਼ ਖ਼ਿਲਾਫ਼ ਟੀ-20 ਸੀਰੀਜ਼ ‘ਚ ਟੀਮ ਇੰਡੀਆ ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਮੁਹੰਮਦ ਸ਼ਮੀ ਅਤੇ ਮੁਹੰਮਦ ਸਿਰਾਜ ਤੋਂ ਬਿਨਾਂ ਉਤਰੇਗੀ। ਡੋਮਿਨਿਕਾ ਵਿੱਚ 171 ਦੌੜਾਂ ਨਾਲ ਆਪਣਾ ਟੈਸਟ ਡੈਬਿਊ ਕਰਨ ਤੋਂ ਬਾਅਦ, ਯਸ਼ਸਵੀ ਜੈਸਵਾਲ ਸੰਭਾਵਤ ਤੌਰ ‘ਤੇ ਆਪਣਾ ਡੈਬਿਊ ਕਰ ਸਕਦਾ ਹੈ। ਇਸ ਦੇ ਨਾਲ ਹੀ ਮੁੰਬਈ ਇੰਡੀਅਨਜ਼ ਦੇ ਚੋਟੀ ਦੇ ਬੱਲੇਬਾਜ਼ ਤਿਲਕ ਵਰਮਾ ਵੀ ਟੀਮ ਇੰਡੀਆ ਨਾਲ ਆਪਣਾ ਡੈਬਿਊ ਕਰ ਸਕਦੇ ਹਨ। ਅਵੇਸ਼ ਖਾਨ ਵੀ ਗੇਂਦਬਾਜ਼ੀ ‘ਚ ਵਾਪਸੀ ਕਰ ਸਕਦੇ ਹਨ। ਉਹ ਲਖਨਊ ਸੁਪਰ ਜਾਇੰਟਸ ਦਾ ਸਟ੍ਰਾਈਕ ਗੇਂਦਬਾਜ਼ ਹੈ।
ਪਾਵੇਲ ਦੀ ਭਾਰਤ ਖ਼ਿਲਾਫ਼ ਬਤੌਰ ਕਪਤਾਨ ਪਹਿਲੀ ਸੀਰੀਜ਼
ਇਹ ਸੀਰੀਜ਼ ਵੈਸਟਇੰਡੀਜ਼ ਲਈ ਘਰੇਲੂ ਟੀ-20 ਕ੍ਰਿਕਟ ਦੀ ਸ਼ੁਰੂਆਤ ਹੋਵੇਗੀ। ਇਸ ਸੀਰੀਜ਼ ਤੋਂ ਬਾਅਦ ਕੈਰੇਬੀਅਨ ਪ੍ਰੀਮੀਅਰ ਲੀਗ ਸ਼ੁਰੂ ਹੋਵੇਗੀ। ਇਹ ਸੀਰੀਜ਼ ਰੋਵਮੈਨ ਪਾਵੇਲ ਲਈ ਬਤੌਰ ਕਪਤਾਨ ਲਈ ਇਕ ਵੱਡੀ ਪ੍ਰੀਖਿਆ ਦੀ ਤਰ੍ਹਾਂ ਹੋਵੇਗੀ। ਪਾਵੇਲ ਬਤੌਰ ਕਪਤਾਨ ਪਹਿਲੀ ਵਾਰ ਭਾਰਤ ਖ਼ਿਲਾਫ਼ ਖੇਡ ਰਹੇ ਹਨ। ਨਾਲ ਹੀ, MI ਨਿਊਯਾਰਕ ਦਾ MLC ਜਿੱਤਣ ਵਾਲੇ ਸਟਾਰ ਖਿਡਾਰੀ ਨਿਕੋਲਸ ਪੂਰਨ, ਇਸ ਲੜੀ ਵਿੱਚ ਆਪਣੀ ਵਾਪਸੀ ਕਰ ਰਿਹਾ ਹੈ। ਪੂਰਨ ਅਤੇ ਸ਼ਿਮਰਾਨ ਹੇਟਮਾਇਰ ਨੂੰ ਸਪਿਨ ਨਾਲ ਨਜਿੱਠਣ ਦਾ ਕੰਮ ਸੌਂਪਿਆ ਜਾਵੇਗਾ।
The post ਅੱਜ ਭਾਰਤ ਖੇਡੇਗਾ ਵੈਸਟਇੰਡੀਜ਼ ਨਾਲ 200ਵਾਂ ਟੀ-20 ਮੈਚ appeared first on Time Tv.