ਅਮਰੀਕਾ: ਅਮਰੀਕਾ ਦੇ ਫਿਲਾਡੇਲਫੀਆ ਦੇ ਉਪਨਗਰ ਵਿੱਚ ਸ਼ਨੀਵਾਰ ਤੜਕੇ ਹੋਈ ਗੋਲੀਬਾਰੀ ਦੀ ਘਟਨਾ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ਹੈ।ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਘਟਨਾ ਕਾਰਨ ‘ਸੇਂਟ ਪੈਟ੍ਰਿਕਸ ਡੇਅ’ ਪਰੇਡ ਨੂੰ ਰੱਦ ਕਰਨਾ ਪਿਆ ਅਤੇ ਬੱਚਿਆਂ ਦਾ ‘ਥੀਮ ਪਾਰਕ’ ਬੰਦ ਕਰਨਾ ਪਿਆ।
‘ਮਿਡਲਟਾਊਨ ਟਾਊਨਸ਼ਿਪ’ ਪੁਲਿਸ ਨੇ ਕਿਹਾ ਕਿ ਪੂਰਬੀ ਪੈਨਸਿਲਵੇਨੀਆ ਵਿੱਚ ਫਾਲਸ ਟਾਊਨਸ਼ਿਪ ਵਿੱਚ “ਸ਼ੂਟਿੰਗ ਦੀ ਘਟਨਾ ਦੀ ਪੁਸ਼ਟੀ ਹੋਈ ਹੈ” ਅਤੇ ਇਸ ਘਟਨਾ ਵਿੱਚ “ਕਈ ਲੋਕਾਂ ਦਾ ਜਾਨੀ ਨੁਕਸਾਨ” ਹੋਇਆ ਹੈ।ਬਕਸ ਕਾਉਂਟੀ ਦੇ ਅਧਿਕਾਰੀਆਂ ਨੇ ਇਲਾਕਾ ਨਿਵਾਸੀਆਂ ਨੂੰ ਆਪਣੇ ਘਰਾਂ ਵਿੱਚ ਰਹਿਣ ਅਤੇ ਦਰਵਾਜ਼ੇ ਬੰਦ ਰੱਖਣ ਦੀ ਚੇਤਾਵਨੀ ਦਿੱਤੀ ਹੈ। ਇੱਕ ਸਥਾਨਕ ਚੁਣੇ ਹੋਏ ਅਧਿਕਾਰੀ ਨੇ ਗੋਲੀਬਾਰੀ ਦੀ ਇਸ ਘਟਨਾ ਨੂੰ “ਘਰੇਲੂ” ਦੱਸਿਆ।
ਫਾਲਜ਼ ਟਾਊਨਸ਼ਿਪ ਬੋਰਡ ਆਫ਼ ਸੁਪਰਵਾਈਜ਼ਰਜ਼ ਦੇ ਚੇਅਰਮੈਨ ਜੈਫਰੀ ਡੇਨੇਸ ਨੇ ਕਿਹਾ ਕਿ ਬੰਦੂਕਧਾਰੀ ਟਾਊਨਸ਼ਿਪ ਵਿੱਚ ਦੋ ਥਾਵਾਂ ‘ਤੇ ਗਿਆ ਅਤੇ ਕਈ ਲੋਕਾਂ ਨੂੰ ਗੋਲੀ ਮਾਰ ਦਿੱਤੀ, ਜਿਨ੍ਹਾਂ ਵਿੱਚੋਂ ਤਿੰਨ ਦੀ ਮੌਤ ਹੋ ਗਈ। ਮਿਡਲਟਾਊਨ ਟਾਊਨਸ਼ਿਪ ਪੁਲਿਸ ਨੇ ਕਿਹਾ ਕਿ 26 ਸਾਲਾ ਸ਼ੱਕੀ ਦੀ ਪਛਾਣ ਕਰ ਲਈ ਗਈ ਹੈ ਅਤੇ ਮੰਨਿਆ ਜਾਂਦਾ ਹੈ ਕਿ ਉਹ ਇਸ ਵਕਤ ਬੇਘਰ ਹੈ ਅਤੇ ਉਹ “ਮੁੱਖ ਤੌਰ ‘ਤੇ ਟ੍ਰੈਂਟਨ ਵਿੱਚ ਰਹਿੰਦਾ ਹੈ।”