ਅਨੰਤਨਾਗ: ਬੀਤੀ ਦੁਪਹਿਰ ਅਨੰਤਨਾਗ ਜ਼ਿਲ੍ਹੇ ਦੇ ਗਗਰਮੰਡੂ ਇਲਾਕੇ ‘ਚ ਅੱਤਵਾਦੀਆਂ ਅਤੇ ਸੁਰੱਖਿਆ ਬਲਾਂ ਵਿਚਾਲੇ ਮੁਕਾਬਲਾ ਹੋਇਆ। ਇਸ ਮੁਕਾਬਲੇ ‘ਚ 2 ਜਵਾਨ ਸ਼ਹੀਦ ਹੋ ਗਏ ਜਦਕਿ 2 ਨਾਗਰਿਕਾਂ ਸਮੇਤ 5 ਜ਼ਖਮੀ ਹੋ ਗਏ। ਹੁਣ ਤਾਜ਼ਾ ਜਾਣਕਾਰੀ ਮਿਲੀ ਹੈ ਕਿ ਜ਼ਖਮੀ ਹੋਏ ਇਕ ਨਾਗਰਿਕ ਦੀ ਵੀ ਮੌਤ ਹੋ ਗਈ ਹੈ। ਨਾਗਰਿਕ ਦੀ ਪਛਾਣ ਅਬਦੁਲ ਰਸ਼ੀਦ ਡਾਰ ਵਜੋਂ ਹੋਈ ਹੈ।
ਜਾਣਕਾਰੀ ਮੁਤਾਬਕ ਮੁਕਾਬਲੇ ‘ਚ ਜ਼ਖਮੀ ਹੋਏ 2 ਨਾਗਰਿਕ ਅਤੇ 3 ਜਵਾਨਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ। ਇਸ ਦੌਰਾਨ ਅੱਜ ਸਵੇਰੇ ਇਕ ਨਾਗਰਿਕ ਅਬਦੁਲ ਰਸ਼ੀਦ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਕੋਕਰਨਾਗ ਮੁਕਾਬਲੇ ਵਿੱਚ ਸ਼ਹੀਦ ਹੋਏ ਜਵਾਨਾਂ ਦੀ ਪਛਾਣ ਹੌਲਦਾਰ ਦੀਪਕ ਕੁਮਾਰ ਯਾਦਵ ਅਤੇ ਐਲ.ਐਨ.ਕੇ. ਪ੍ਰਵੀਨ ਸ਼ਰਮਾ ਦੇ ਰੂਪ ਵਿੱਚ। ਦੋਵੇਂ ਸਿਪਾਹੀ 1 ਪੈਰਾ (SF) ਦੇ ਸਨ।