ਲਾਈਫਸਟਾਈਲ ਡੈਸਕ: ਸੈਰ ਕਰਨਾ ਫਿੱਟ ਰਹਿਣ ਲਈ ਬਹੁਤ ਵਧੀਆ ਕਸਰਤ ਹੈ। ਜੇਕਰ ਤੁਸੀਂ ਕਸਰਤ ਨਹੀਂ ਕਰ ਸਕਦੇ ਤਾਂ ਤੁਸੀਂ ਰੋਜ਼ਾਨਾ 15-20 ਸੈਰ ਕਰਕੇ ਪੂਰੀ ਤੰਦਰੁਸਤੀ ਨੂੰ ਬਰਕਰਾਰ ਰੱਖ ਸਕਦੇ ਹੋ, ਪਰ ਕਈ ਵਾਰ ਕੁਝ ਲੋਕਾਂ ਨੂੰ ਸੈਰ ਕਰਨ ਤੋਂ ਬਾਅਦ ਉਨ੍ਹਾਂ ਦੀਆਂ ਲੱਤਾਂ ਅਤੇ ਕਮਰ ਵਿੱਚ ਦਰਦ ਦੀ ਸ਼ਿਕਾਇਤ ਹੁੰਦੀ ਹੈ, ਜਿਸ ਕਾਰਨ ਉਨ੍ਹਾਂ ਦਾ ਸੈਰ ਕਰਨਾ ਬੰਦ ਹੋ ਜਾਂਦਾ ਹੈ ਅਤੇ ਕੁਝ ਦਿਨਾਂ ਦਾ ਬ੍ਰੇਕ ਲੱਗ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਨਹੀਂ ਹੋਣਾ ਚਾਹੁੰਦੇ ਹੋ ਅਜਿਹੀ ਸਮੱਸਿਆ ਦਾ ਸ਼ਿਕਾਰ, ਤਾਂ ਸੈਰ ਕਰਦੇ ਸਮੇਂ ਕੁਝ ਗੱਲਾਂ ਦਾ ਧਿਆਨ ਰੱਖੋ, ਆਓ ਜਾਣਦੇ ਹਾਂ ਸੈਰ ਕਰਦੇ ਸਮੇਂ ਕਿਹੜੀ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ ।
– ਸੈਰ ਕਰਦੇ ਸਮੇਂ ਆਪਣੀ ਗਰਦਨ ਨੂੰ ਸਿੱਧਾ ਰੱਖੋ। ਹੇਠਾਂ ਜਾਂ ਖੱਬੇ ਜਾਂ ਸੱਜੇ ਨਾ ਦੇਖੋ। ਹਮੇਸ਼ਾ ਅੱਗੇ ਦੇਖ ਕੇ ਚੱਲਣ ਦੀ ਕੋਸ਼ਿਸ਼ ਕਰੋ। ਠੋਡੀ ਥੋੜ੍ਹੀ ਹੇਠਾਂ ਵੱਲ ਨੂੰ ਝੁਕੀ ਹੋਣੀ ਚਾਹੀਦੀ ਹੈ।
– ਪੇਟ ਨੂੰ ਅੰਦਰ ਵੱਲ ਖਿੱਚ ਕੇ ਰੱਖ ਸਕਦੇ ਹੋ ਤਾਂ ਚੰਗਾ ਹੈ। ਮੋਢੇ ਦੀ ਮੂਵਮੇਂਟ ਜ਼ਿਆਦਾ ਹੋਣੀ ਚਾਹੀਦੀ ਹੈ । ਸੈਰ ਕਰਦੇ ਸਮੇਂ ਆਪਣੀ ਪਿੱਠ ਸਿੱਧੀ ਰੱਖੋ। ਅੱਗੇ ਜਾਂ ਪਿੱਛੇ ਵੱਲ ਨੂੰ ਝੁਕ ਕੇ ਨਾ ਚੱਲੋ।
– ਆਪਣੇ ਹੱਥ ਫ੍ਰੀ ਛੱਡ ਦਿਓ ਉਨ੍ਹਾਂ ਦੀ ਮੂਵਮੇਂਟ ਖੁਦ ਹੋਣੀ ਚਾਹੀਦੀ ਹੈ। ਜੇਕਰ ਹੱਥ ਕੂਹਣੀ ਵੱਲ ਨੂੰ ਝੁਕਦੇ ਹੋਣ ਤਾਂ ਹੋਰ ਵੀ ਵਧੀਆ ਹੈ।
– ਇਸ ਤਰ੍ਹਾਂ ਚੱਲੋ ਕਿ ਪੈਰਾਂ ਦੀਆਂ ਉਂਗਲਾਂ, ਅੱਡੀ ਅਤੇ ਗੋਡੇ ਸਰਗਰਮ ਰਹਿਣ।
– ਸੈਰ ਅਤੇ ਜੌਗਿੰਗ ਹਮੇਸ਼ਾ ਬੂਟ ਪਾ ਕੇ ਕਰਨੀ ਚਾਹੀਦੀ ਹੈ ਨਾ ਕਿ ਚੱਪਲਾਂ ਪਾ ਕੇ। ਕੱਪੜੇ ਢਿੱਲੇ ਅਤੇ ਹਵਾਦਾਰ ਹੋਣੇ ਚਾਹੀਦੇ ਹਨ। ਤੰਗ ਫਿਟਿੰਗ ਵਾਲੇ ਕੱਪੜੇ ਨਾ ਪਾਓ। ਸਪੋਰਟਸ ਬ੍ਰਾ ਆਸਣ ਬਣਾਈ ਰੱਖਣ ਲਈ ਪਹਿਨੋ। ਬਹੁਤ ਜ਼ਿਆਦਾ ਤੰਗ ਅੰਡਰਗਾਰਮੈਂਟਸ ਪਹਿਨਣ ਨਾਲ ਹਰਨੀਆ ਦਾ ਖ਼ਤਰਾ ਵਧ ਸਕਦਾ ਹੈ।
– ਜੇਕਰ ਤੁਸੀਂ ਪਹਿਲੀ ਵਾਰ ਸੈਰ ਸ਼ੁਰੂ ਕਰ ਰਹੇ ਹੋ, ਤਾਂ ਆਪਣੀਆਂ ਲੱਤਾਂ ਨੂੰ ਖਾਸ ਤੌਰ ‘ਤੇ ਸਟ੍ਰੈਚ ਕਰਨਾ ਨਾ ਭੁੱਲੋ।
– ਨੋਟ ਕਰੋ ਕਿ ਤੁਹਾਨੂੰ ਮਾਰਚ ਪਾਸਟ ਕਰਨ ਦੀ ਲੋੜ ਨਹੀਂ ਹੈ, ਸਿਰਫ਼ ਸਿੱਧੇ ਚੱਲੋ। ਸੈਰ ਦੌਰਾਨ ਤੁਸੀਂ ਸੰਗੀਤ ਸੁਣ ਸਕਦੇ ਹੋ। ਈਅਰਫੋਨ ਲਗਾਓ । ਇਸ ‘ਤੇ ਤੁਸੀਂ ਆਪਣੀ ਮਰਜ਼ੀ ਨਾਲ ਤੇਜ਼ ਜਾਂ ਹੌਲੀ ਸੰਗੀਤ ਸੁਣ ਸਕਦੇ ਹੋ। ਇਸ ਨਾਲ ਮਨ ਨੂੰ ਆਰਾਮ ਮਿਲਦਾ ਹੈ ਪਰ ਸੜਕ ‘ਤੇ ਚੱਲਦੇ ਸਮੇਂ ਸੰਗੀਤ ਨਾ ਸੁਣੋ, ਇਹ ਖਤਰਨਾਕ ਹੋ ਸਕਦਾ ਹੈ।
ਸੈਰ ਕਰਦੇ ਸਮੇਂ ਮੂੰਹ ਰਾਹੀਂ ਸਾਹ ਲੈਣ ਦਾ ਤਰੀਕਾ ਤੁਹਾਨੂੰ ਜਲਦੀ ਥੱਕਾ ਸਕਦਾ ਹੈ। ਇਸ ਤੋਂ ਇਲਾਵਾ ਮੂੰਹ ਸੁੱਕ ਜਾਂਦਾ ਹੈ ਅਤੇ ਵਾਰ-ਵਾਰ ਪਿਆਸ ਲਗਦੀ ਹੈ। ਫੇਫੜਿਆਂ ਦੇ ਨਾਲ-ਨਾਲ ਪੂਰੇ ਸਰੀਰ ਨੂੰ ਸਹੀ ਆਕਸੀਜਨ ਨਹੀਂ ਮਿਲਦੀ ਅਤੇ ਧੂੜ ਵੀ ਫੇਫੜਿਆਂ ਤੱਕ ਪਹੁੰਚ ਜਾਂਦੀ ਹੈ।
– ਫ਼ੋਨ ‘ਤੇ ਗੱਲ ਕਰਦੇ ਸਮੇਂ ਸੈਰ ਨਾ ਕਰੋ। ਇਸ ਨਾਲ ਸੈਰ ਕਰਨ ਦੇ ਫਾਇਦੇ ਘੱਟ ਹੋ ਜਾਂਦੇ ਹਨ, ਕਿਉਂਕਿ ਸਰੀਰ ਅਤੇ ਮਨ ਦਾ ਤਾਲਮੇਲ ਜ਼ਰੂਰੀ ਹੁੰਦਾ ਹੈ।
– ਬਹੁਤ ਜ਼ਿਆਦਾ ਠੰਢ ਜਾਂ ਬਹੁਤ ਜ਼ਿਆਦਾ ਗਰਮੀ ਹੋਵੇ ਤਾਂ ਪੈਦਲ ਚੱਲਣ ਤੋਂ ਬਚੋ, ਇਸ ਨਾਲ ਸਟ੍ਰੋਕ ਦਾ ਖਤਰਾ ਹੋ ਸਕਦਾ ਹੈ। ਸਰਦੀਆਂ ਵਿੱਚ ਨਿਮੋਨੀਆ ਅਤੇ ਅਸਥਮਾ ਦੀ ਸ਼ਿਕਾਇਤ ਵੀ ਹੋ ਸਕਦੀ ਹੈ।
– ਅੱਡੀ ‘ਤੇ ਦਬਾਅ ਪਾਉਣ ਤੋਂ ਬਚੋ। ਪੈਰਾਂ ਦੀਆਂ ਉਂਗਲਾਂ ‘ਤੇ ਦਬਾਅ ਹੋਵੇ ਤਾਂ ਬਿਹਤਰ ਹੈ, ਨਹੀਂ ਤਾਂ ਗਿੱਟੇ ‘ਚ ਦਰਦ ਹੋ ਸਕਦਾ ਹੈ।