ਯੂਕਰੇਨ ਦੇ ਖਾਰਕਿਵ ‘ਚ ਰੂਸੀ ਮਿਜ਼ਾਈਲ ਹਮਲਿਆਂ ‘ਚ 5 ਲੋਕਾਂ ਦੀ ਮੌਤ, 24 ਤੋਂ ਵੱਧ ਜ਼ਖ਼ਮੀ 

ਕੀਵ : ਯੂਕਰੇਨ (Ukrainian) ਦੇ ਉੱਤਰੀ-ਪੂਰਬੀ ਸ਼ਹਿਰ ਖਾਰਕਿਵ (Kharkiv) ਵਿੱਚ ਰੂਸੀ ਮਿਜ਼ਾਈਲ ਹਮਲਿਆਂ ਵਿੱਚ ਘੱਟੋ-ਘੱਟ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ 24 ਤੋਂ ਵੱਧ ਜ਼ਖ਼ਮੀ ਹੋ ਗਏ। ਗਵਰਨਰ ਓਲੇਹ ਸਿਨਿਹੁਬੋਵ ਨੇ ਅੱਜ ਕਿਹਾ ਕਿ ‘ਮਰਨ ਵਾਲੇ ਜ਼ਿਆਦਾਤਰ ਲੋਕ ਪੰਜ ਮੰਜ਼ਿਲਾ ਅਪਾਰਟਮੈਂਟਾਂ ਵਿਚ ਰਹਿ ਰਹੇ ਸਨ। ਹਮਲਿਆਂ ਵਿੱਚ ਇੱਕ ਫਾਇਰ ਇੰਜਣ ਅਤੇ ਇੱਕ ਐਂਬੂਲੈਂਸ ਨੂੰ ਵੀ ਨੁਕਸਾਨ ਪਹੁੰਚਿਆ।

ਰੂਸੀ ਬਲਾਂ ਨੇ ਸ਼ਹਿਰ ‘ਤੇ ਪੰਜ ਮਿਜ਼ਾਈਲਾਂ ਦਾਗੀਆਂ। ਹਮਲੇ ‘ਚ ਘੱਟੋ-ਘੱਟ 20 ਰਿਹਾਇਸ਼ੀ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਕੀਵ ‘ਤੇ ਕਰੂਜ਼ ਮਿਜ਼ਾਈਲ ਨਾਲ ਹਮਲਾ ਕੀਤਾ ਗਿਆ। ਹਮਲੇ ਵਿੱਚ ਇੱਕ ਕਾਰ ਮੁਰੰਮਤ ਦੀ ਦੁਕਾਨ ਅਤੇ ਛੇ ਵਾਹਨ ਨੁਕਸਾਨੇ ਗਏ। ਯੂਕਰੇਨ ਦੋ ਸਾਲਾਂ ਤੋਂ ਵੱਧ ਸਮੇਂ ਤੋਂ ਰੂਸ ਦੁਆਰਾ ਵੱਡੇ ਪੱਧਰ ‘ਤੇ ਹਮਲੇ ਦਾ ਸਾਹਮਣਾ ਕਰ ਰਿਹਾ ਹੈ। ਯੂਕਰੇਨੀ ਬਿਜਲੀ ਸਪਲਾਈ ‘ਤੇ ਰੂਸੀ ਹਮਲੇ ਅਕਸਰ ਬਿਜਲੀ ਬੰਦ ਹੋਣ ਦਾ ਕਾਰਨ ਬਣ ਰਹੇ ਹਨ।

The post ਯੂਕਰੇਨ ਦੇ ਖਾਰਕਿਵ ‘ਚ ਰੂਸੀ ਮਿਜ਼ਾਈਲ ਹਮਲਿਆਂ ‘ਚ 5 ਲੋਕਾਂ ਦੀ ਮੌਤ, 24 ਤੋਂ ਵੱਧ ਜ਼ਖ਼ਮੀ  appeared first on Timetv.