ਲੁਧਿਆਣਾ : ਨਗਰ ਨਿਗਮ ਵੱਲੋਂ ਪਾਰਕਿੰਗ ਸਾਈਟਾਂ ਦੇ ਟੈਂਡਰ ਦੇਣ ਵਾਲੇ ਠੇਕੇਦਾਰ ਸਿਸਟਮ ‘ਤੇ ਕਿਸ ਤਰ੍ਹਾਂ ਹਾਵੀ ਹੋ ਗਏ ਹਨ, ਇਸ ਦਾ ਸਬੂਤ ਫਿਰੋਜ਼ ਗਾਂਧੀ ਮਾਰਕੀਟ ‘ਚ ਦੇਖਣ ਨੂੰ ਮਿਲਦਾ ਹੈ, ਜਿੱਥੇ ਪਾਰਕਿੰਗ ਦੇ ਠੇਕੇਦਾਰ ਈ-ਟਿਕਟਾਂ ਦੀ ਬਜਾਏ ਚਿੱਟੇ ਕਾਗਜ਼ ‘ਤੇ ਟਿਕਟਾਂ ਵੇਚ ਰਹੇ ਹਨ।
ਇੱਥੇ ਦੱਸਣਾ ਉਚਿਤ ਹੋਵੇਗਾ ਕਿ ਨਗਰ ਨਿਗਮ ਵੱਲੋਂ ਪਾਰਕਿੰਗ ਸਾਈਟਾਂ ਨੂੰ ਠੇਕੇ ’ਤੇ ਦੇਣ ਲਈ ਜਾਰੀ ਕੀਤੇ ਗਏ ਟੈਂਡਰ ਵਿੱਚ ਸ਼ਰਤਾਂ ਅਨੁਸਾਰ ਫੀਸਾਂ ਦੀ ਵਸੂਲੀ ਦੇ ਬਦਲੇ ਈ-ਟਿਕਟਾਂ ਜਾਰੀ ਕਰਨੀਆਂ ਲਾਜ਼ਮੀ ਹਨ ਪਰ ਫਿਰੋਜ਼ ਗਾਂਧੀ ਮਾਰਕੀਟ ਪਾਰਕਿੰਗ ਸਾਈਟ ਦੇ ਠੇਕੇਦਾਰ ਨੂੰ ਨਗਰ ਨਿਗਮ ਨੇ ਉਨ੍ਹਾਂ ਸ਼ਰਤਾਂ ਦੀ ਕੋਈ ਪ੍ਰਵਾਹ ਨਹੀਂ ਕੀਤੀ, ਜਿਸ ਰਾਂਹੀ ਮੈਨੂਅਲ ਰਸੀਦਾਂ ਪ੍ਰਿੰਟ ਕਰਵਾਉਣ ਦੀ ਬਜਾਏ ਚਿੱਟੇ ਕਾਗਜ਼ ‘ਤੇ ਰਸੀਦ ਬਣਾ ਕੇ ਦਿੱਤੀ ਜਾ ਰਹੀ ਹੈ, ਜਿਸ ਕਾਰਨ ਵਾਹਨ ਚੋਰੀ ਹੋਣ ਜਾਂ ਰਸੀਦ ਗੁੰਮ ਹੋਣ ਦੀ ਸੂਰਤ ਵਿੱਚ ਮਾਲਕਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਪਰ ਨਗਰ ਨਿਗਮ ਦੇ ਅਧਿਕਾਰੀਆਂ ਨੇ ਮਿਲੀਭੁਗਤ ਕਰਕੇ ਚੁੱਪ ਧਾਰੀ ਹੋਈ ਹੈ।
ਫਿਰੋਜ਼ ਗਾਂਧੀ ਮਾਰਕੀਟ ਵਿੱਚ ਪਾਰਕਿੰਗ ਠੇਕੇਦਾਰ ਵੀ ਈ-ਟਿਕਟ ਦੀ ਥਾਂ ਸਫ਼ੈਦ ਕਾਗਜ਼ ’ਤੇ ਰਸੀਦ ਦੇਣ ਦੀ ਆੜ ਵਿੱਚ ਓਵਰਚਾਰਜ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਨਗਰ ਨਿਗਮ ਦੇ ਕਮਿਸ਼ਨਰ ਸੰਦੀਪ ਰਿਸ਼ੀ ਵੀ ਸਰਾਭਾ ਨਗਰ ਮਾਰਕੀਟ ਵਿੱਚ ਓਵਰਚਾਰਜ ਦੇ ਮਾਮਲੇ ਵਿੱਚ ਸ਼ਾਮਲ ਹੋਏ ਸਨ। ਹੁਣ ਫਿਰੋਜ਼ ਗਾਂਧੀ ਮਾਰਕੀਟ ਵਿੱਚ ਪਾਰਕਿੰਗ ਠੇਕੇਦਾਰ ਵੱਲੋਂ ਈ-ਟਿਕਟ ਦੀ ਬਜਾਏ ਸਫ਼ੈਦ ਕਾਗਜ਼ ’ਤੇ ਰਸੀਦ ਦੇਣ ਦੀ ਸ਼ਿਕਾਇਤ ਵੀ ਕਮਿਸ਼ਨਰ ਕੋਲ ਪੁੱਜ ਗਈ ਹੈ, ਜਿਸ ਸਬੰਧੀ ਉਨ੍ਹਾਂ ਵਧੀਕ ਕਮਿਸ਼ਨਰ ਨੂੰ ਮਾਮਲੇ ਦੀ ਜਾਂਚ ਕਰਕੇ ਕਾਰਵਾਈ ਕਰਨ ਲਈ ਕਿਹਾ ਹੈ।
ਸੁਪਰਡੈਂਟ ਅਸ਼ਵਨੀ ਕੁਮਾਰ ਨੇ ਦੱਸਿਆ ਕਿ ਪਾਰਕਿੰਗ ਦਾ ਕੰਮ ਹੈੱਡ ਵਾਟਰ ਦੇ ਸੁਪਰਡੈਂਟ ਹਰਵਿੰਦਰ ਡੱਲਾ ਵੱਲੋਂ ਦੇਖਿਆ ਜਾ ਰਿਹਾ ਹੈ, ਫਿਰ ਵੀ ਫਿਰੋਜ਼ ਗਾਂਧੀ ਮਾਰਕੀਟ ਵਿੱਚ ਪਾਰਕਿੰਗ ਠੇਕੇਦਾਰ ਵੱਲੋਂ ਈ-ਟਿਕਟ ਦੀ ਬਜਾਏ ਸਫ਼ੈਦ ਕਾਗਜ਼ ‘ਤੇ ਰਸੀਦ ਦੇਣ ਦੇ ਮਾਮਲੇ ਵਿੱਚ ਜ਼ੋਨ-ਡੀ ਦੀ ਤਹਿਬਾਜ਼ਾਰੀ ਸ਼ਾਖਾ ਦੇ ਇੰਸਪੈਕਟਰ ਕੁਲਦੀਪ ਸਿੰਘ ਨੂੰ ਭੇਜ ਕੇ ਚੈਕਿੰਗ ਕੀਤੀ ਜਾਵੇਗੀ।