ਅੰਮ੍ਰਿਤਸਰ : ਬੀ ਡਿਵੀਜ਼ਨ ਦੀ ਪੁਲਿਸ (B Division police) ਨੇ ਇੱਕ ਬਾਈਕ ਸਵਾਰ ਦੋ ਅਣਪਛਾਤੇ ਲੁਟੇਰਿਆਂ ਖ਼ਿਲਾਫ਼ ਇੱਕ ਔਰਤ ਦੇ ਗਲੇ ਵਿੱਚੋਂ 17 ਗ੍ਰਾਮ ਸੋਨੇ ਦੀ ਚੇਨ ਬੰਦੂਕ ਦੀ ਨੋਕ ’ਤੇ ਖੋਹਣ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਹੈ।
ਏ.ਐਸ.ਆਈ ਕਰਨਜੀਤ ਸਿੰਘ ਅਨੁਸਾਰ ਰਾਜਦੀਪ ਮਾਹਤਨਾ ਵਾਸੀ ਲੱਖੀਪੁਰ ਅਸਾਮ ਨੇ ਦੱਸਿਆ ਕਿ ਜਦੋਂ ਉਹ ਆਪਣੀ ਭੈਣ ਅਤੇ ਮਾਤਾ ਨਾਲ ਰਾਤ ਕਰੀਬ 12 ਵਜੇ ਸ਼ੇਰਾਂਵਾਲਾ ਫਾਟਕ ਰਾਹੀਂ ਸਵਾਸਤਿਕ ਹੋਟਲ ਨੇੜੇ ਪਹੁੰਚਿਆ ਤਾਂ ਪਿੱਛੇ ਤੋਂ ਬਾਈਕ ਸਵਾਰ ਦੋ ਅਣਪਛਾਤੇ ਨੌਜਵਾਨ ਆਏ ਅਤੇ ਉਸ ਦੀ ਮਾਂ ਰੁਲਨੀ ਗੋਸਵਾਮੀ ਦੇ ਗਲੇ ਵਿਚ ਪਾਈ ਹੋਈ 17 ਗ੍ਰਾਮ ਦੀ ਸੋਨੇ ਦੀ ਚੇਨ ਖੋਹ ਲਈ ਅਤੇ ਫਰਾਰ ਹੋ ਗਏ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।