ਜਲੰਧਰ : ਜਲੰਧਰ ਸ਼ਹਿਰ ‘ਚ ਗੈਂਗ ਵਾਰ ਹੋਣ ਦੀ ਸੂਚਨਾ ਮਿਲੀ ਹੈ। ਪ੍ਰਾਪਤ ਸਮਾਚਾਰ ਅਨੁਸਾਰ ਕਾਲੀਆ ਕਲੋਨੀ ਵਿੱਚ ਗੈਂਗਸਟਰ ਸੁਰਿੰਦਰ ਸਪਪ ਦੇ ਭਰਾ ਕਾਕਾ ਅਤੇ ਚਿੰਟੂ ਗੈਂਗ ਵਿਚਾਲੇ ਬੀਤੀ ਦੇਰ ਰਾਤ ਗੈਂਗ ਵਾਰ ਹੋਇਆ। ਇਸ ਦੌਰਾਨ ਕਾਕੇ ਨੂੰ ਗੋਲੀ ਲੱਗੀ ਜੋ ਕਿ ਉਸਦੇ ਸਰੀਰ ਦੇ ਆਰ-ਪਾਰ ਲੰਘ ਗਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਬੀਤੀ ਰਾਤ ਉਨ੍ਹਾਂ ਦਾ ਜੋਤੀ ਚੌਕ ਸਥਿਤ ਪਾਰਕਿੰਗ ਨੂੰ ਲੈ ਕੇ ਝਗੜਾ ਹੋ ਗਿਆ ਸੀ।
ਜ਼ਿਕਰਯੋਗ ਹੈ ਕਿ 4-5 ਦਿਨ ਪਹਿਲਾਂ ਜੋਤੀ ਚੌਕ ‘ਚ ਕਿਸੇ ਕਬਜ਼ੇ ਨੂੰ ਲੈ ਕੇ ਇਨ੍ਹਾਂ ਦੋਵਾਂ ਵਿਚਾਲੇ ਲੜਾਈ ਹੋਈ ਸੀ। ਸੂਤਰਾਂ ਤੋਂ ਪਤਾ ਲੱਗਾ ਹੈ ਕਿ ਦੇਰ ਰਾਤ ਗੋਲੀਬਾਰੀ ਹੋਈ ਜਿਸ ਵਿਚ ਸੁਰਿੰਦਰ ਸਪਪ ਦਾ ਭਰਾ ਕਾਕਾ ਜ਼ਖਮੀ ਹੋ ਗਿਆ। ਫਿਲਹਾਲ ਜ਼ਖਮੀ ਨੌਜਵਾਨ ਆਰਥੋ ਨੋਵਾ ਹਸਪਤਾਲ ‘ਚ ਦਾਖਲ ਹੈ, ਜਿੱਥੇ ਉਸਦਾ ਇਲਾਜ ਚੱਲ ਰਿਹਾ ਹੈ। ਕਾਕਾ ਅਤੇ ਚਿੰਟੂ ਦੀ ਪੁਰਾਣੀ ਰੰਜਿਸ਼ ਦੱਸੀ ਜਾ ਰਹੀ ਹੈ।