ਗੈਜੇਟ ਡੈਸਕ : ਆਮ ਤੌਰ ‘ਤੇ, ਗੂਗਲ ਮੈਪ (Google Map) ਇਹ ਨਹੀਂ ਦੱਸਦਾ ਹੈ ਕਿ ਫਲਾਈਓਵਰ ਤੋਂ ਲੰਘਣਾ ਹੈ ਜਾਂ ਇਸ ਦੇ ਹੇਠਾਂ ਤੋਂ, ਪਰ ਨਵੇਂ ਅਪਡੇਟ ਤੋਂ ਬਾਅਦ, ਗੂਗਲ ਮੈਪ ਤੁਹਾਨੂੰ ਪਹਿਲਾਂ ਹੀ ਦੱਸੇਗਾ ਕਿ ਤੁਹਾਨੂੰ ਫਲਾਈਓਵਰ ਤੋਂ ਲੰਘਣਾ ਚਾਹੀਦਾ ਹੈ ਜਾਂ ਇਸਦੇ ਹੇਠਾਂ ਤੋਂ। ਸ਼ੁਰੂਆਤ ‘ਚ ਇਸ ਨੂੰ 40 ਸ਼ਹਿਰਾਂ ‘ਚ ਰਿਲੀਜ਼ ਕੀਤਾ ਜਾ ਰਿਹਾ ਹੈ। ਹੌਲੀ-ਹੌਲੀ ਦੇਸ਼ ਭਰ ਵਿੱਚ ਲਾਂਚ ਕੀਤਾ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤੀ ਨੇਵੀਗੇਸ਼ਨ ਐਪ MapMyIndia ਵਿੱਚ ਇਹ ਫੀਚਰ ਪਹਿਲਾਂ ਤੋਂ ਮੌਜੂਦ ਹੈ।
ਗੂਗਲ ਮੈਪਸ- ਈਵੀ ਚਾਰਜਿੰਗ
ਈਵੀ ਚਾਰਜਿੰਗ ਸਟੇਸ਼ਨਾਂ ਬਾਰੇ ਜਾਣਕਾਰੀ ਸਿਰਫ਼ ਗੂਗਲ ਮੈਪਸ ‘ਤੇ ਉਪਲਬਧ ਹੋਵੇਗੀ। ਸ਼ੁਰੂ ਵਿੱਚ ਲਗਭਗ 800 ਈ-ਚਾਰਜਿੰਗ ਸਟੇਸ਼ਨ ਸੂਚੀਬੱਧ ਹਨ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਸ ‘ਚ ਚਾਰਜਿੰਗ ਕਿਸਮ ਦੀ ਜਾਣਕਾਰੀ ਵੀ ਮਿਲੇਗੀ। ਇਹ ਫੀਚਰ ਪਹਿਲੀ ਵਾਰ ਭਾਰਤ ‘ਚ ਪੇਸ਼ ਕੀਤਾ ਗਿਆ ਹੈ ਅਤੇ ਜਲਦ ਹੀ ਦੂਜੇ ਦੇਸ਼ਾਂ ‘ਚ ਵੀ ਲਾਂਚ ਕੀਤਾ ਜਾਵੇਗਾ। ਉਪਭੋਗਤਾਵਾਂ ਨੂੰ ਪਹਿਲਾਂ ਹੀ ਪਤਾ ਲੱਗ ਜਾਵੇਗਾ ਕਿ ਚਾਰਜਿੰਗ ਸਟੇਸ਼ਨ ਕੰਮ ਕਰ ਰਿਹਾ ਹੈ ਜਾਂ ਨਹੀਂ।
ਗੂਗਲ ਮੈਪਸ- ਮੈਟਰੋ ਟਿਕਟ ਬੁਕਿੰਗ
ਗੂਗਲ ਮੈਪਸ ਨੇ ਪਬਲਿਕ ਟਰਾਂਸਪੋਰਟ ਨੂੰ ਲੈ ਕੇ ਵੱਡਾ ਅਪਡੇਟ ਜਾਰੀ ਕੀਤਾ ਹੈ। ਮੈਟਰੋ ਦੀਆਂ ਟਿਕਟਾਂ ਬੁੱਕ ਕਰਨ ਦੀ ਸੁਵਿਧਾ ਗੂਗਲ ਮੈਪਸ ਤੋਂ ਹੀ ਦਿੱਤੀ ਗਈ ਹੈ, ਹਾਲਾਂਕਿ ਫਿਲਹਾਲ ਇਹ ਸਿਰਫ ਕੋਚੀ ਅਤੇ ਚੇਨਈ ਮੈਟਰੋ ਲਈ ਹੀ ਜਾਰੀ ਕੀਤੀ ਗਈ ਹੈ, ਯਾਨੀ ਫਿਲਹਾਲ ਤੁਸੀਂ ਗੂਗਲ ਮੈਪ ਤੋਂ ਸਿਰਫ ਇਨ੍ਹਾਂ ਦੋ ਮੈਟਰੋ ਲਈ ਟਿਕਟ ਬੁੱਕ ਕਰ ਸਕਦੇ ਹੋ। ਅਗਲੇ ਹਫਤੇ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਹੌਲੀ-ਹੌਲੀ ਇਸ ਨੂੰ ਹੋਰ ਮਹਾਨਗਰਾਂ ਲਈ ਜਾਰੀ ਕੀਤਾ ਜਾਵੇਗਾ।