ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ‘ਚ ਹੋਇਆ ਵਾਧਾ
By admin / February 29, 2024 / No Comments / Punjabi News
ਨਵੀਂ ਦਿੱਲੀ: ਨਵਾਂ ਮਹੀਨਾ ਅੱਜ ਤੋਂ ਸ਼ੁਰੂ ਹੋ ਗਿਆ ਹੈ ਅਤੇ ਮਹੀਨੇ ਦੇ ਪਹਿਲੇ ਦਿਨ ਯਾਨੀ 1 ਮਾਰਚ ਨੂੰ ਫਿਰ ਐੱਲ.ਪੀ.ਜੀ ਗੈਸ (LPG Gas) ਸਿਲੰਡਰ ਦੀਆਂ ਕੀਮਤਾਂ ਇਕ ਵਾਰ ਵਧ ਗਈਆਂ ਹਨ। ਕਿਉਂਕਿ ਅੱਜ ਤੋਂ ਐਲਪੀਜੀ ਸਿਲੰਡਰ ਅਤੇ ਜੈੱਟ ਈਂਧਨ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਗਿਆ ਹੈ। ਨਵੀਆਂ ਦਰਾਂ ਅੱਜ ਤੋਂ ਹੀ ਲਾਗੂ ਹੋ ਜਾਣਗੀਆਂ। OMCs ਨੇ ਅੱਜ ਇਹ ਜਾਣਕਾਰੀ ਦਿੱਤੀ ਹੈ । ਦਿੱਲੀ ਵਿੱਚ ਇਹ 25 ਰੁਪਏ ਅਤੇ ਮੁੰਬਈ ਵਿੱਚ 26 ਰੁਪਏ ਮਹਿੰਗਾ ਹੋ ਗਿਆ ਹੈ। ਆਓ ਜਾਣਦੇ ਹਾਂ ਨਵੀਆਂ ਦਰਾਂ ਬਾਰੇ।
19 ਕਿਲੋ ਦਾ ਸਿਲੰਡਰ ਹੋ ਗਿਆ ਹੈ ਮਹਿੰਗਾ
ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਲਗਾਤਾਰ ਦੂਜੇ ਮਹੀਨੇ 19 ਕਿਲੋ ਦੇ ਵਪਾਰਕ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਬਦਲਾਅ ਕਰਕੇ ਮਹਿੰਗਾਈ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਪਿਛਲੇ ਮਹੀਨੇ ਭਾਵ 1 ਫਰਵਰੀ 2024 ਨੂੰ ਬਜਟ ਵਾਲੇ ਦਿਨ ਸਿਲੰਡਰ ਵਿੱਚ 14 ਰੁਪਏ ਦੇ ਵਾਧੇ ਤੋਂ ਬਾਅਦ ਹੁਣ ਸਿਲੰਡਰ ਦੀ ਕੀਮਤ 25 ਰੁਪਏ ਹੋਰ ਵਧ ਗਈ ਹੈ। IOCL ਦੀ ਵੈੱਬਸਾਈਟ ‘ਤੇ ਬਦਲੀਆਂ ਹੋਈਆਂ ਦਰਾਂ ਜਾਰੀ ਕੀਤੀਆਂ ਗਈਆਂ ਹਨ, ਜੋ 1 ਮਾਰਚ, 2024 ਤੋਂ ਯਾਨੀ ਅੱਜ ਲਾਗੂ ਹਨ।
ਨਵੀਂ ਦਰ ਮੁਤਾਬਕ ਰਾਜਧਾਨੀ ਦਿੱਲੀ ‘ਚ ਵਪਾਰਕ ਸਿਲੰਡਰ 1795 ਰੁਪਏ ‘ਚ ਮਿਲੇਗਾ, ਜਦੋਂ ਕਿ ਕੋਲਕਾਤਾ ‘ਚ ਇਹ ਸਿਲੰਡਰ ਹੁਣ 1911 ਰੁਪਏ ਦਾ ਹੋ ਗਿਆ ਹੈ। ਮੁੰਬਈ ‘ਚ ਕਮਰਸ਼ੀਅਲ ਸਿਲੰਡਰ ਦੀ ਕੀਮਤ 1749 ਰੁਪਏ ਹੋ ਗਈ ਹੈ, ਜਦਕਿ ਚੇਨਈ ‘ਚ 1960.50 ਰੁਪਏ ਹੋ ਗਈ ਹੈ।
ਫਰਵਰੀ ‘ਚ ਸੀ ਸਿਲੰਡਰ ਦੀ ਇਹ ਕੀਮਤ
ਪਹਿਲਾਂ ਕੀਤੇ ਗਏ ਬਦਲਾਅ ਦੇ ਤਹਿਤ ਦਿੱਲੀ ‘ਚ 19 ਕਿਲੋ ਦੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀ ਕੀਮਤ 1755.50 ਰੁਪਏ ਤੋਂ ਵਧਾ ਕੇ 1769.50 ਰੁਪਏ ਕਰ ਦਿੱਤੀ ਗਈ ਸੀ। ਦੂਜੇ ਮਹਾਨਗਰਾਂ ਦੀ ਗੱਲ ਕਰੀਏ ਤਾਂ ਕੋਲਕਾਤਾ ਵਿੱਚ ਇੱਕ ਸਿਲੰਡਰ ਦੀ ਕੀਮਤ 1869.00 ਰੁਪਏ ਤੋਂ ਵਧਾ ਕੇ 1887 ਰੁਪਏ ਕਰ ਦਿੱਤੀ ਗਈ ਸੀ । ਮੁੰਬਈ ਵਿੱਚ ਪਹਿਲਾਂ ਜੋ ਵਪਾਰਕ ਸਿਲੰਡਰ 1708 ਰੁਪਏ ਵਿੱਚ ਮਿਲਦਾ ਸੀ, ਹੁਣ 1723 ਰੁਪਏ ਵਿੱਚ ਉਪਲਬਧ ਹੈ। ਜਦਕਿ ਚੇਨਈ ‘ਚ ਇਸ ਦੀ ਕੀਮਤ 1924.50 ਰੁਪਏ ਤੋਂ ਵਧ ਕੇ 1937 ਰੁਪਏ ਹੋ ਗਈ ਸੀ।