ਅਭਿਸ਼ੇਕ ਬੱਚਨ ਦੀ ਫਿਲਮ ਆਈ ਵਾਂਟ ਟੂ ਟਾਕ ਦਾ ਪਹਿਲਾ ਗੀਤ ਹੋਇਆ ਰਿਲੀਜ਼

ਮੁੰਬਈ : ਫਿਲਮਕਾਰ ਸ਼ੂਜੀਤ ਸਰਕਾਰ ਦੀ ਅਭਿਸ਼ੇਕ ਬੱਚਨ ਸਟਾਰਰ ਫਿਲਮ ਆਈ ਵਾਂਟ ਟੂ ਟਾਕ ਜਲਦ ਹੀ ਸਿਨੇਮਾਘਰਾਂ ‘ਚ ਦਸਤਕ ਦੇਣ ਜਾ ਰਹੀ ਹੈ। ਇਸ ਦਾ ਟ੍ਰੇਲਰ ਕੁਝ ਦਿਨ ਪਹਿਲਾਂ ਹੀ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ‘ਚ ਫਿਲਮ ਨੂੰ ਲੈ ਕੇ ਭਾਰੀ ਉਤਸ਼ਾਹ ਹੈ। ਇਸ ਦੌਰਾਨ ਹੁਣ ਇਸ ਫਿਲਮ ਦਾ ਭਾਵੁਕਤਾ ਭਰਿਆ ਗੀਤ ਗਮ ਹੋ ਕਹਾਂ ਰਿਲੀਜ਼ ਹੋ ਗਿਆ ਹੈ।

ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਫਿਲਮ ਆਈ ਵਾਂਟ ਟੂ ਟਾਕ ਦੇ ਗੀਤ ਦੇ ਪ੍ਰੋਮੋ ਨੂੰ ਸਾਂਝਾ ਕਰਦੇ ਹੋਏ, ਨਿਰਮਾਤਾਵਾਂ ਨੇ ਲਿਖਿਆ, ‘ਗੁੰਮ ਹੋ ਜਾਣ ਅਤੇ ਆਪਣੇ ਆਪ ਨੂੰ ਦੁਬਾਰਾ ਲੱਭਣ ਦੇ ਵਿਚਕਾਰ, ਇਹ ਹੈ #GumhoKahan। ਇਸ ਗੀਤ ‘ਚ ਅਭਿਸ਼ੇਕ ਬੱਚਨ ਅਤੇ ਜੌਨੀ ਲੀਵਰ ਦੀ ਜ਼ਬਰਦਸਤ ਅਦਾਕਾਰੀ ਦੇਖਣ ਨੂੰ ਮਿਲਦੀ ਹੈ, ਜੋ ਫਿਲਮ ਦੀ ਕਹਾਣੀ ਨੂੰ ਖੂਬਸੂਰਤੀ ਨਾਲ ਪੇਸ਼ ਕਰਦਾ ਹੈ।

ਇਸ ਗੀਤ ਨੂੰ ਮਿਊਜ਼ਿਕ ਡੈਬਿਊ ਕਰਨ ਵਾਲੇ ਤਬਾ ਚੱਕੇ ਨੇ ਗਾਇਆ ਅਤੇ ਕੰਪੋਜ਼ ਕੀਤਾ ਹੈ। ਕੁਝ ਦਿਨ ਪਹਿਲਾਂ ਨਿਰਮਾਤਾਵਾਂ ਨੇ ਫਿਲਮ ਦਾ ਪਹਿਲਾ ਗੀਤ ਦਿਲ ਘਬਰਾਏ ਰਿਲੀਜ਼ ਕੀਤਾ ਸੀ। ਤੁਹਾਨੂੰ ਦੱਸ ਦੇਈਏ ਫਿਲਮ ਆਈ ਵਾਂਟ ਟੂ ਟਾਕ ਵਿੱਚ ਅਭਿਸ਼ੇਕ ਬੱਚਨ ਮੁੱਖ ਭੂਮਿਕਾ ਵਿੱਚ ਹਨ। ਆਈ ਵਾਂਟ ਟੂ ਟਾਕ ਰਾਈਜ਼ਿੰਗ ਸਨ ਫਿਲਮਜ਼ ਦੇ ਤਹਿਤ ਸ਼ੂਜੀਤ ਸਰਕਾਰ ਅਤੇ ਰੋਨੀ ਲਹਿਰੀ ਦੁਆਰਾ ਨਿਰਮਿਤ ਹੈ। ਇਹ ਫਿਲਮ 22 ਨਵੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਵਾਲੀ ਹੈ।